22 naýryzda belgisiz bireýler Máskeýdegi Krokýs Siti Holl kontsert zalynda adamdarǵa oq jaýdyrdy. Keiin kontsert zalynda órt shyqty. Sebebi oq atqandar granata jarǵany belgili boldy. Qazir negizgi tórt kúdikti de ustaldy.
Al Senattyń jalpy otyrysynan soń ishki ister ministriniń orynbasary Igor Lepeha Qazaqstan bul jaǵdaidan keiin qalai áreket etetinin aitty, - dep habarlaidy Dalanews.kz.
Ishki ister ministriniń orynbasary Igor Lepeha jaqynda kórshiles Reseide bolǵan qandy shabýyldan keiin elde de tekserister bastalǵanyn aitty.
"Halyq kóp jinalatyn barlyq nysandy qosymsha tekserý úshin jumys istep jatyrmyz. Buryn teksergen nysandarǵa da baqylaý úshin tekserister júrgizemiz. Tekserilmegen nysandar bolsa, tekseremiz. Baryp ielerimen sóilesemiz, tehnikalyq nyǵaitý máselelerin qarastyramyz jáne usynystar aitamyz. Bul turǵyda jumys istep jatyrmyz", - dedi Lepeha.
Aita keteiik, atys "Piknik" rok-tobynyń kontsertine birneshe minýt qalǵanda bastalǵan bolatyn.
"Zalda júrgen adamdar atystan qorǵaný úshin birden jerge jatyp qorǵandy. Keminde 15-20 minýt jerde jatyp, aqyryndap syrtqa shyǵa bastady. Kóbi qashyp úlgerdi", - dep jazdy sol kezde reseilik arnalar.
Al buǵan deiin Máskeý qalasynyń aýdandyq sotyna Krokýs-Ekspo saýda oiyn-saýyq ortalyǵynda aýqymdy terroristik akt jasady degen kúdiktiler ákelingen bolatyn. Keiinirek Basman aýdandyq soty terrorister tobyna qatysty aldyn ala tergeý organdarynyń bultartpaý sharasyn tańdaý týraly ótinishin qaraýǵa kiristi.
Artynsha sot ustalǵan kúdiktilerge 1 ai 28 táýlik merzimge, iaǵni 2024 jylǵy 22 mamyrǵa deiin qamaýǵa alý túrindegi bultartpaý sharasyn tańdady.
