Máskeýdegi Crocus City Hall kontsert zalynda bolǵan teraktini kim qarjylandyrǵany belgili boldy, - dep habarlaidy Dalanews.kz.
Fedpress.ru málimetinshe, Crocus City Hall-daǵy lańkesterdi kriptovaliýtany qoldana otyryp, kóptegen qarjy uiymdary arqyly qarjylandyrǵan. Bul týraly Nijnii Novgorodtaǵy halyqaralyq komplaens keńesinde Rosfinmonitoring basshysy Iýrii Chihanchin málimdedi.
"Tergeý sharalary áli aiaqtalǵan joq, biraq aldyn-ala nátijeler terroristik aktini uiymdastyrýǵa birqatar elderdiń azamattary qatysqanyn kórsetedi", - dedi Chihanchin.
Onyń aitýynsha, Crocus City Hall-da lańkestik áreketti uiymdastyrýǵa birqatar elderdiń azamattary qatysqan.
Eske salaiyq, 22 naýryzda belgisiz bireýler Máskeýdegi Krokýs Siti Holl kontsert zalynda adamdarǵa oq jaýdyrdy. Keiin kontsert zalynda órt shyqty. Sebebi oq atqandar granata jarǵany belgili boldy. Qazir negizgi toǵyz kúdikti ustaldy.
Atys "Piknik" rok-tobynyń kontsertine birneshe minýt qalǵanda bastalǵan bolatyn.
"Zalda júrgen adamdar atystan qorǵaný úshin birden jerge jatyp qorǵandy. Keminde 15-20 minýt jerde jatyp, aqyryndap syrtqa shyǵa bastady. Kóbi qashyp úlgerdi", - dep jazdy sol kezde reseilik arnalar.
Buǵan deiin Máskeý qalasynyń aýdandyq sotyna Krokýs-Ekspo saýda oiyn-saýyq ortalyǵynda aýqymdy terroristik akt jasady degen kúdiktiler ákelingen bolatyn. Keiinirek Basman aýdandyq soty terrorister tobyna qatysty aldyn ala tergeý organdarynyń bultartpaý sharasyn tańdaý týraly ótinishin qaraýǵa kiristi.
Aita keteiik,buǵan deiin UQShU bas hatshysy Imanǵali Tasmaǵambetov Máskeý oblysyndaǵy Krokýs Siti Hollda bolǵan teraktide qaza tapqandardyń týystaryna kóńil aitqan bolatyn.
