ماسكەۋدەگى Crocus City Hall كونسەرت زالىندا بولعان تەراكتىنى كىم قارجىلاندىرعانى بەلگىلى بولدى، - دەپ حابارلايدى Dalanews.kz.
Fedpress.ru مالىمەتىنشە، Crocus City Hall-داعى لاڭكەستەردى كريپتوۆاليۋتانى قولدانا وتىرىپ، كوپتەگەن قارجى ۇيىمدارى ارقىلى قارجىلاندىرعان. بۇل تۋرالى نيجنيي نوۆگورودتاعى حالىقارالىق كومپلاەنس كەڭەسىندە روسفينمونيتورينگ باسشىسى يۋريي چيحانچين مالىمدەدى.
"تەرگەۋ شارالارى ءالى اياقتالعان جوق، ءبىراق الدىن-الا ناتيجەلەر تەرروريستىك اكتىنى ۇيىمداستىرۋعا ءبىرقاتار ەلدەردىڭ ازاماتتارى قاتىسقانىن كورسەتەدى"، - دەدى چيحانچين.
ونىڭ ايتۋىنشا، Crocus City Hall-دا لاڭكەستىك ارەكەتتى ۇيىمداستىرۋعا ءبىرقاتار ەلدەردىڭ ازاماتتارى قاتىسقان.
ەسكە سالايىق، 22 ناۋرىزدا بەلگىسىز بىرەۋلەر ماسكەۋدەگى كروكۋس سيتي حولل كونسەرت زالىندا ادامدارعا وق جاۋدىردى. كەيىن كونسەرت زالىندا ءورت شىقتى. سەبەبى وق اتقاندار گراناتا جارعانى بەلگىلى بولدى. ءقازىر نەگىزگى توعىز كۇدىكتى ۇستالدى.
اتىس "پيكنيك" روك-توبىنىڭ كونسەرتىنە بىرنەشە مينۋت قالعاندا باستالعان بولاتىن.
"زالدا جۇرگەن ادامدار اتىستان قورعانۋ ءۇشىن بىردەن جەرگە جاتىپ قورعاندى. كەمىندە 15-20 مينۋت جەردە جاتىپ، اقىرىنداپ سىرتقا شىعا باستادى. كوبى قاشىپ ۇلگەردى"، - دەپ جازدى سول كەزدە رەسەيلىك ارنالار.
بۇعان دەيىن ماسكەۋ قالاسىنىڭ اۋداندىق سوتىنا كروكۋس-ەكسپو ساۋدا ويىن-ساۋىق ورتالىعىندا اۋقىمدى تەرروريستىك اكت جاسادى دەگەن كۇدىكتىلەر اكەلىنگەن بولاتىن. كەيىنىرەك باسمان اۋداندىق سوتى تەرروريستەر توبىنا قاتىستى الدىن الا تەرگەۋ ورگاندارىنىڭ بۇلتارتپاۋ شاراسىن تاڭداۋ تۋرالى ءوتىنىشىن قاراۋعا كىرىستى.
ايتا كەتەيىك،بۇعان دەيىن ۇقشۇ باس حاتشىسى يمانعالي تاسماعامبەتوۆ ماسكەۋ وبلىسىنداعى كروكۋس سيتي حوللدا بولعان تەراكتىدە قازا تاپقانداردىڭ تۋىستارىنا كوڭىل ايتقان بولاتىن.
