Máskeýdegi terakt boiynsha toǵyzynshy adam ustaldy. Ol - 24 jastaǵy Nazrimad Liýtfýlloi. Kúdikti 22 mamyrǵa deiin qamaýǵa alyndy. Otyrys jabyq rejimde ótti. Bul týraly Mash Telegram-arnasy jazdy, - dep habarlaidy Dalanews.kz.
Arna málimetinshe, "Krokýs" qorshalǵan kezde odan qujattaryn kórsetý talap etilgen. Alaida ol bas tartyp, balaǵat sózder aityp, dórekilik tanytyp, politseilerdiń qolynan qashyp shyǵýǵa tyrysqan. Keiin ol osy úshin 15 kúnge qamaýǵa alyndy.
"Kúdikti izoliatorda otyrǵan kezde tergeýshiler onyń negizgi lańkester tobymen bailanysyn anyqtady", - dep jazdy arna.
Mash málimetinshe, ustalǵan kúdikti boidaq, balalary joq. Ol Máskeýge Tájikstannyń Piandja aýdanynan kóship barǵan.
Ol "Shelkovskaia" metrosynyń mańyndaǵy jataqhanada turǵan. Joǵary bilimi bar, biraq eshbir jerde jumys istemegen. Ony memlekettik advokat qorǵaidy.
Aita keteiik, 22 naýryzda belgisiz bireýler Máskeýdegi Krokýs Siti Holl kontsert zalynda adamdarǵa oq jaýdyrdy. Keiin kontsert zalynda órt shyqty. Sebebi oq atqandar granata jarǵany belgili boldy. Qazir negizgi tórt kúdikti de ustaldy.
Atys "Piknik" rok-tobynyń kontsertine birneshe minýt qalǵanda bastalǵan bolatyn.
"Zalda júrgen adamdar atystan qorǵaný úshin birden jerge jatyp qorǵandy. Keminde 15-20 minýt jerde jatyp, aqyryndap syrtqa shyǵa bastady. Kóbi qashyp úlgerdi", - dep jazdy sol kezde reseilik arnalar.
Buǵan deiin Máskeý qalasynyń aýdandyq sotyna Krokýs-Ekspo saýda oiyn-saýyq ortalyǵynda aýqymdy terroristik akt jasady degen kúdiktiler ákelingen bolatyn. Keiinirek Basman aýdandyq soty terrorister tobyna qatysty aldyn ala tergeý organdarynyń bultartpaý sharasyn tańdaý týraly ótinishin qaraýǵa kiristi.
Artynsha sot ustalǵan kúdiktilerge 1 ai 28 táýlik merzimge, iaǵni 2024 jylǵy 22 mamyrǵa deiin qamaýǵa alý túrindegi bultartpaý sharasyn tańdady.
