Máskeýdegi Troekýrov ziratynan Qazaqstannyń tuńǵysh prezidenti Nursultan Nazarbaevtyń burynǵy kúieý balasy ári Qyrǵyzstannyń tuńǵysh prezidenti Asqar Aqaevtyń uly Aidar Aqaevtyń jerlengen orny anyqtaldy, dep habarlaidy dalanews.kz.
Mán-jaiy
Zirattan túsirilgen videony tanymal tulǵalardyń jerlengen oryndary týraly kontent jariialaityn bloger Nail Valiev Instagram paraqshasynda bólisti.
Video avtorynyń aitýynsha, onyń nazaryn besik pishininde jasalǵan erekshe eskertkish aýdarǵan. Ol Troekýrov ziratynyń musylmandar jerlengen bóliginde kóptegen belgili adamnyń qabiri ornalasqanyn da atap ótti.
Aidar Aqaev 1998 jyly Qazaqstannyń tuńǵysh prezidenti Nursultan Nazarbaevtyń kenje qyzy Áliia Nazarbaevaǵa úilengen. Olardyń nekesi shamamen úsh jylǵa sozylyp, 2001 jyly ajyrasýmen aiaqtaldy.
Keiin Aidar Aqaev Qyrǵyzstannyń telejúrgizýshisi Saikal Chokýbaevaǵa úilengen.
Aidar Aqaev 2020 jylǵy 5 aqpanda Máskeýde qaitys boldy. Buqaralyq aqparat quraldarynyń málimetinshe, onyń ólimine júrek talmasy sebep bolǵan.
