Kárim Másimovtyń bólek lotqa qoiyp satylatyn múiizden jasalǵan semseri ózge ulttyń qolynda ketpeý úshin, etnikalyq aýqatty kásipkerler osy aýktsionǵa qatysyp, Másimovtyń qylyshyn satyp almaq, dep habarlaidy Dalanews.kz DAlAINSIDE derekkózine siltep.
“Negizi kollektsiiada qylysh, semser, tipti katana da bar. Kásipkerlerdi qyzyqtyryp otyrǵany - saby múiizden jasalǵan, tarihy tereń, baǵaly qylysh. Másimov ol qylyshty beker almaǵan bolatyn. Bolashaqta ol sakraldy mánge ie bolyp, qazaqtar úshin Kenesarynyń basy qandai mańyzdy bolsa, bul da belgili etnikalyq top úshin sondai mańyzǵa ie bolýy múmkin”, - deidi, DALA INSIDE derekkózi.
Qazir múiiz sapty bul qylysh elektrondy aýktsion reestrinde shamamen 1,3 million teńgege baǵalanady. Biraq aýktsion barysynda baǵasy birneshe ese ósip ketýi ǵajap emes.
“Tipti 10 million teńgege ósse de, satyp alýǵa daiyn adamdar bar”, - deidi derekkóz.
Kárim Másimovtyń bul qylyshynyń energetikalyq qasieti týraly aqparat bar.
Derekkóz prezident retinde óz adamyn qoiyp, ózi Qazaqstandy kóleńkeden tolyq basqarar josparyn oilaǵanda Kárim Másimov osy semsermen serttesken degen qaýesettermen bólisti.
Endi qai kásipker osy qylyshqa ie bolsa, sol óz salasynyń kem degende monopolisine ainalady pikirler paida bola bastady. Jáne semserdiń óz ultynyń, etnosynyń qaraýynda qalýy mindetti degen pátýa da aitylǵan.
DALA INSIDE bul aýktsionnyń barysyn baqylap otyrmaq. Jáne múiiz semserdi qolǵa túsirgen kásipkerdiń biznestegi bolashaǵy da saralanatyn bolady. Osy semser otandyq aýktsiondaǵy satyp alýǵa niet bildirýshiler sany boiynsha jańa rekord qoiýy múmkin.
