"Murttyny" jazyqsyz japa shekken, saiasi qýǵyn-súrgin kórgen qairatker dep sipattaidy, sondyqtan saittyń kontentin súzip jatpai-aq qoialyq. Dalainside sonyń aldynda bul týraly anyq-qanyq málimet bergen.
Sóitken Merkel taǵy bir quityrqy áreketke barǵanǵa uqsaidy. Amerikalyq lobbistiń aitýynsha BUU-daǵy jumysshy top Másimovke qatysty tergeý amaldarynyń astyrtyn, jasyryn júrip jatqanyna narazy.
Másimovtiń et jaqyndaryna is barysy týraly aqparat berilmeidi, júzdesýge de ruqsat joq. Onyń jón-josyqsyz qamaýǵa alynýy adam quqyqtaryn tabanǵa taptaýdyń aiqyn kórinisi.
Sói degen BUU-daǵy Másimovtyń "janashyrlary" el biliginen kelesidei shara qabyldaýdy:
"Murttyny" sózbuidaǵa salmai, buǵaýdan bosatýdy;
Abaqtyda as-sýdan taryǵyp, tabanynan syz ótkeni úshin qomaqty ótemaqy tóleýdi;
Ony túrmede shiritpek bolǵandardyń ústinen qylmystyq is qozǵaýdy talap etken.
Jańylyspasaq, bul byltyrǵy jyldyń qazan aiyndaǵy joldaý. Jańa Qazaqstan jumysshy topqa Aqordanyń aiaǵyna shyrmatylmai, aýlaq júrýge keńes bergen. "Máseleni ýshyqtyrmai, naqty faktilerdi aldymyzǵa tosyńyzdar, talqylaýǵa daiynbyz" dep qysqa qaiyrǵan edi SIM ókilderi.
Merkeldiń aitýynsha ne nárseniń de merzimi bar, qazaq biligi BUU-nyń úndeýin eleýsiz qaldyra almaidy, buǵan bailanysty sáýirdiń 25-ine deiin esep berýi tiis.
"Másimov? Jábirlenýshim kúnniń kózi túspeitin, bir kisilik kamerada otyr. Onyń aǵaiyn-týysyn "asa qupiia" degen jeleýmen sot protsesine jolatpaýda. Qazaq biligi BUU talabyna qulaq asyp, Másimovke bostandyq berýge qulyqsyz...", - deidi "murttynyń" advokaty.
DALA INSIDE onyń sózin sóileýden aýlaq. Qazaqtar Másimovke áldeqashan ádil baǵasyn bergen. Al Jańa Qazaqstan úshin Másimovtyń qorǵaýshysy bas aýrýǵa ainalatyn túri bar. Merkeldiń málim etkenindei AQSh Memdepartamentidegi yqpaldy tulǵalar UQK-nyń eks-tóraǵasyna bolysýǵa ázir. Bulardyń bosaǵasyn tozdyrǵan Merkel "murttynyń" úgit-nasihatyn údetip jatqanǵa uqsaidy.
Bul týraly áli de aitamyz. Arnaǵa tirkelip alyńyz?
Dala Inside
Taǵy oqyńyz:
https://dalanews.kz/ekonomika/87921-pff-kholdingining-qozhayyny-renata-kellner
