"مۇرتتىنى" جازىقسىز جاپا شەككەن، ساياسي قۋعىن-سۇرگىن كورگەن قايراتكەر دەپ سيپاتتايدى، سوندىقتان سايتتىڭ كونتەنتىن ءسۇزىپ جاتپاي-اق قويالىق. Dalainside سونىڭ الدىندا بۇل تۋرالى انىق-قانىق مالىمەت بەرگەن.
سويتكەن مەركەل تاعى ءبىر قۇيتىرقى ارەكەتكە بارعانعا ۇقسايدى. امەريكالىق ءلوببيستىڭ ايتۋىنشا بۇۇ-داعى جۇمىسشى توپ ماسىموۆكە قاتىستى تەرگەۋ امالدارىنىڭ استىرتىن، جاسىرىن ءجۇرىپ جاتقانىنا نارازى.
ءماسىموۆتىڭ ەت جاقىندارىنا ءىس بارىسى تۋرالى اقپارات بەرىلمەيدى، جۇزدەسۋگە دە رۇقسات جوق. ونىڭ ءجون-جوسىقسىز قاماۋعا الىنۋى ادام قۇقىقتارىن تابانعا تاپتاۋدىڭ ايقىن كورىنىسى.
ءسوي دەگەن بۇۇ-داعى ءماسىموۆتىڭ "جاناشىرلارى" ەل بيلىگىنەن كەلەسىدەي شارا قابىلداۋدى:
"مۇرتتىنى" ءسوزبۇيداعا سالماي، بۇعاۋدان بوساتۋدى؛
اباقتىدا اس-سۋدان تارىعىپ، تابانىنان سىز وتكەنى ءۇشىن قوماقتى وتەماقى تولەۋدى؛
ونى تۇرمەدە شىرىتپەك بولعانداردىڭ ۇستىنەن قىلمىستىق ءىس قوزعاۋدى تالاپ ەتكەن.
جاڭىلىسپاساق، بۇل بىلتىرعى جىلدىڭ قازان ايىنداعى جولداۋ. جاڭا قازاقستان جۇمىسشى توپقا اقوردانىڭ اياعىنا شىرماتىلماي، اۋلاق جۇرۋگە كەڭەس بەرگەن. "ماسەلەنى ۋشىقتىرماي، ناقتى فاكتىلەردى الدىمىزعا توسىڭىزدار، تالقىلاۋعا دايىنبىز" دەپ قىسقا قايىرعان ەدى ءسىم وكىلدەرى.
مەركەلدىڭ ايتۋىنشا نە نارسەنىڭ دە مەرزىمى بار، قازاق بيلىگى بۇۇ-نىڭ ۇندەۋىن ەلەۋسىز قالدىرا المايدى، بۇعان بايلانىستى ءساۋىردىڭ 25-ىنە دەيىن ەسەپ بەرۋى ءتيىس.
"ءماسىموۆ؟ جابىرلەنۋشىم كۇننىڭ كوزى تۇسپەيتىن، ءبىر كىسىلىك كامەرادا وتىر. ونىڭ اعايىن-تۋىسىن "اسا قۇپيا" دەگەن جەلەۋمەن سوت پروسەسىنە جولاتپاۋدا. قازاق بيلىگى بۇۇ تالابىنا قۇلاق اسىپ، ماسىموۆكە بوستاندىق بەرۋگە قۇلىقسىز..."، - دەيدى "مۇرتتىنىڭ" ادۆوكاتى.
DALA INSIDE ونىڭ ءسوزىن سويلەۋدەن اۋلاق. قازاقتار ماسىموۆكە الدەقاشان ءادىل باعاسىن بەرگەن. ال جاڭا قازاقستان ءۇشىن ءماسىموۆتىڭ قورعاۋشىسى باس اۋرۋعا اينالاتىن ءتۇرى بار. مەركەلدىڭ ءمالىم ەتكەنىندەي اقش مەمدەپارتامەنتىدەگى ىقپالدى تۇلعالار ۇقك-نىڭ ەكس-توراعاسىنا بولىسۋعا ءازىر. بۇلاردىڭ بوساعاسىن توزدىرعان مەركەل "مۇرتتىنىڭ" ۇگىت-ناسيحاتىن ۇدەتىپ جاتقانعا ۇقسايدى.
بۇل تۋرالى ءالى دە ايتامىز. ارناعا تىركەلىپ الىڭىز؟
Dala Inside
تاعى وقىڭىز:
https://dalanews.kz/ekonomika/87921-pff-kholdingining-qozhayyny-renata-kellner
