Kárim Másimov úkimge Joǵarǵy sotqa shaǵymdaný múmkindigin áli paidalanǵan joq, - dep habarlaidy Dalanews.kz.
Nege.Aqsha arnasy málimetinshe, jaqynda sot kabinetinde UQK-niń burynǵy basshysynyń isi boiynsha materialdar Joǵarǵy sotqa túskeni týraly aqparat paida bolǵan. Joǵarǵy sot aqparatqa qatysty pikir bildirdi.
"K.K. Másimovke qatysty sot aktilerine kassatsiialyq tártippen shaǵym jasalmady", - dep jaýap bergen Sot ákimshiligi basshysynyń orynbasary Bolat Jolamanov arnaǵa.
Aita keteiik, buǵan deiin memleketke opasyzdyq jasaǵany jáne bilikti basyp alýǵa tyrysqany úshin sottalǵan Ulttyq qaýipsizdik komitetiniń burynǵy basshysy Kárim Másimov keshirim jasaý týraly ótinish bergeni málim boldy.
Bul týraly QR Ulttyq qaýipsizdik komiteti Informburo.kz-ke málimdegen. Qazir Kárim Másimov Sybailas jemqorlyqqa qarsy is-qimyl agenttiginiń qaýlysy negizinde Astanadaǵy UQK tergeý izoliatorynda otyr.
"Shynynda da, ol osy mekemeden 2024 jylǵy naýryzda Qazaqstan Respýblikasy Prezidentiniń atyna keshirim jasaý týraly ótinish joldady", - dep habarlaǵan UQK.
Vedomstvoda Másimovke qatysty Qylmystyq kodekstiń 218-baby, 3-bóligi, 3-tarmaǵy jáne 366-baby, 4-bóligi boiynsha sotqa deiingi tergep-tekserý jalǵasyp jatqany aityldy.
Al 2023 jyly 24 sáýirde Astananyń qylmystyq ister jónindegi mamandandyrylǵan aýdanaralyq soty QR Ulttyq qaýipsizdik komitetiniń eks-tóraǵasy Kárim Másimovke, Ulttyq qaýipsizdik komiteti tóraǵasynyń eks-orynbasarlary Ánýar Sadyqulov, Dáýlet Erǵojin, Marat Osipovke qatysty qylmystyq is boiynsha úkim shyǵarǵan bolatyn.
Sot isti "Asa qupiia" degen belgimen qarady. Kárim Másimov QR Qylmystyq kodeksiniń 175-babynyń 1-bóligi, 179-babynyń 3-bóligi, 362-babynyń 4-bóliginiń 3-tarmaǵy boiynsha kináli dep tanylyp, 18 jyl bas bostandyǵynan airyldy. Sonymen qatar, memlekettik qyzmette ómir boiy qyzmet ete almaityny jáne múlki tárkilenetini aityldy. Kárim Másimov buǵan qosa general sheni men memlekettik nagradalarynan aiyryldy.
Al onyń orynbasary Dáýlet Erǵojin Qylmystyq kodekstiń 179-babynyń 3-bóligi, 362-babynyń 4-bóligi 3-tarmaǵy boiynsha kináli dep tanylyp, 15 jylǵa bas bostandyǵynan aiyryldy.
Keiin apelliatsiialyq saty K.Másimovke, A. Sadyqulovqa jáne D. Erǵojinge qatysty birinshi satydaǵy sot úkimin qaýipsizdigi eń joǵary mekemeden qaýipsizdigi ortasha mekemede jazasyn óteý boiynsha ózgertti.
