Saiasattanýshy eldegi qalyptasyp otyrǵan ekonomikalyq-áleýmettik ahýal Úkimettiń otstavkaǵa ketýine sebep bolýy múmkin ekenin aitady.
«Biznes pen áleýmettik saladaǵy jaǵdai máz emes. Kanikýldan oralǵan májilis Úkimetke qataldyq tanytatynynyń yqtimaldyǵy joǵary. Depýtattar óńirlerdi aralap, ondaǵy «sailaýshylarymen» kezdesip, jaǵdaiǵa qanyqqan soń kóńil-kúileri túsip qaitatyny belgili. Onyń ústine, ótken sessiianyń sońynda májilis tóraǵalyǵyna belsendi, birshama qatal Nurlan Nyǵmatýllin barǵany jáne bar», - degen ol osy kúzde Úkimettiń aýysatynyn boljap otyr.
«Daǵdarysqa dýshar bolǵan eldiń saiasi bolashaǵyn boljaý qiyn. Al, bizde barlyǵy bei-bereket ótýde: qolǵa alynǵan bastamalardyń basym bóligi aqylǵa qonbaidy, el ekonomikasyndaǵy naqty ahýaldy taldaýǵa negizdelmegen. Biraq, dástúr boiynsha bizde Úkimet kúzde aýysyp keledi. Táýelsizdiktiń alǵashqy jyldary qazan aiynda Qaramanov, Tereshenko, Qajygeldin, Balǵymbaev qyzmetinen ketken. Qazir de Másimov ketedi degen áńgime kúsheiýde, úkimet dálizderinde de Úkimette kadrlyq aýys-túiister bolatyny jii aitylyp júr. Qazirdiń ózinde birqatar shendi tulǵalarǵa qatysty kompramattar qoǵamǵa tastalýda.
Biraq, bastysy bul emes. Kútilip otyrǵan otstavkaǵa ekonomikalyq daǵdarys basty qozǵaýshy bolady. Ekonomikadaǵy sátsizdikter, infliatsiia, valiýta baǵamynyń tolqýy qoǵamdaǵy narazylyqty qajetti deńgeige arttyryp otyr. Sonymen qosa, ekonomikanyń ósýine qandai da bir alǵysharttar joq», - deidi D. Áshimbaev.
Saiasattanýshy Úkimetti otstavkaǵa jiberý de osy halyq narazylyǵyn basýdyń amaly ekenin aitady.
«Otstavka qoǵamdaǵy narazylyqty birshama basady. Jappai narazylyq bastalǵannan góri, Úkimetti qurban etken tiimdi. Biraq, onyń nátijesi qandai bolatyny túsiniksiz», - deidi ol.
DEREKKÓZ: Qamshy.kz
