Tanymal prodiýser Gúlzira Aidarbekova ómirindegi aýyr kezeńderdiń biri týraly alǵash ret ashyq áńgimeledi. Onyń sózinshe, Qairat Nurtasty dúniege ákelgennen keiin birneshe ret qursaq kótergenimen, toǵyz júktiligi sátsiz aiaqtalǵan, dep habarlaidy dalanews.kz.
Prodiýser alǵashqy qaiǵyly jaǵdai aǵasynyń qaitys bolǵany týraly sýyt habardy estigen kezde bolǵanyn aitty. Ol ýaqytta uialy telefon bolmaǵandyqtan, aǵasyn izdep Túrkistanǵa qońyraý shalǵan.
"Ishte balany shetinep ketti deidi ǵoi. Aǵam qaitys bolǵan kezde Túrkistanǵa telefon soqtym. Sóitsem dosynyń úiinde eken. Dosynyń úiine telefon soqsam orys jeńgesi bar edi sol telefondy aldy. Birden "sizdiń aǵańyz qaitys boldy" dedi. Tipti kim dep suramaǵanmyn. Ár aǵam kóz aldyma elesteidi, qaisysy ekenin bilmeimin. Ol kezde uialy telefon joq. Qatty ýaiymdaǵannan, jaman habar estigennen ishimdegi balam shetinep ketti. Ony alyp tastaǵannan keiin qaita-qaita kóteremin, qaita-qaita túsip qalady. Ol kezde jatyrdyń oinamaly bolyp qalatynyn bilmegenmin. Sonymen birden 6 sábi shetinep ketti. Keiin bir orys áiel "6 aidan 1 jylǵa deiin demal. Jatyryń oinamaly bolyp qalǵan" dedi. Sodan keiin Aiandy kóterdim. Aiannan keiin taǵy da 3 abort boldy", – dedi ol.
