Áleýmettik meditsinalyq saqtandyrý qory mindetti áleýmettik meditsinalyq saqtandyrý qarajatyn qorǵaý júiesin dáiekti túrde kúsheitip, tsifrlyq qadaǵalaýǵa, táýekelge baǵdarlanǵan basqarýǵa jáne meditsinalyq uiymdarǵa qarajat aýdarylǵanǵa deiin negizsiz tólemderdiń aldyn alýǵa negizdelgen qarjylyq baqylaýdyń jańa modeline kóshýde, dep habarlaidy dalanews.kz.
Bul jumys Qordyń 2030 jylǵa deiingi Damý strategiiasyn iske asyratyn jáne Qazaqstandadensaýlyq saqtaýdy qarjylandyrýdy memlekettik basqarýdyń jańa modeline kóshirý sharalarynyń negizgi baǵyttarynyń biri.
Baqylaýdy kúsheitý jáne jaýapkershilik bultartpastyǵy qaǵidaty
Quqyq qorǵaý organdary tergep jatqan qazirgi epizodtar júieniń burynǵy jumys kezeńderine(2024-2025 jj.) qatysty. Materialdardyń edáýir bóligin Qordyń ózi baqylaý is-sharalary barysynda anyqtap, protsestik sheshimder qabyldaý úshin quqyq qorǵaý organdaryna joldaǵan.
Buzýshylyqtar is júzinde kórsetilmegen meditsinalyq kómekti kórsetý, qyzmet kólemderin qosyp jazý, azamattardy jalǵan bekitý, patsientterdiń derbes derekterin zańsyz paidalaný, sondai-aq MÁMS qarajatyn zańsyz alýdyń basqa da shemalarymen bailanysty.
2026 jyldyń birinshi jartyjyldyǵynyń qorytyndysy boiynsha Qor jalpy somasy 4,5 mlrd teńgeni quraityn buzýshylyqtar jónindegi 72 materialdy quqyq qorǵaý organdaryna joldady. Olardy qaraý nátijesinde 27 qylmystyq is tirkelip, olar boiynsha keltirilgen zalaldyń belgilengen mólsheri 3,7 mlrd teńgeniqurady.
Salystyrý úshin, 2025 jyldyń tolyq kezeńinde 630 mln teńge somasyna 73 material joldanyp, olar boiynsha 8 qylmystyq istirkelgen.
Bul rette anyqtalǵan buzýshylyqtar kóleminiń artýy teris paidalaný faktileriniń kóbeigenin emes, Qordyń baqylaý fýnktsiiasynyń sapaly kúsheigenin, taldamalyq quraldardyń jetildirilgenin jáne árbir anyqtalǵan faktini quqyqtyq baǵa berýge deiin jetkizý jumysynyń kúsheigenin kórsetedi.
Qordyń ustanymy qaǵidatty ári ózgerissiz: MÁMS qarajatyn zańsyz paidalanýdyń árbir rastalǵan faktige obektivti quqyqtyq baǵa berilip, kináli tulǵalar zańnamaǵa sáikes jaýapkershilikke tartylýǵa, al memleketke keltirilgen zalal ótelýge tiis.
Buzýshylyqtardy anyqtaýdan olardyń aldyn alýǵa kóshý
Quqyq qorǵaý organdarymen ózara is-qimyldy kúsheitýmen qatar, Qor qarjylyq baqylaýjumystaryna ózgeris engizýde.
Eger buryn buzýshylyqtardy anyqtaý kezindegi negizgi jumys qarajat aýdarylǵannan keiinoryndalsa, jańa model aldyn alý sharalaryn meditsinalyq uiymǵa tólem júrgizgenge deiin oryndaýdy kózdeidi.
Qordyń damý strategiiasyn iske asyrý sheńberinde Qalqan IT-platformasyn, avtomattandyrylǵan antifrod júiesin jáne derekterdi taldaýdyń táýekelge baǵdarlanǵan algoritmderin qamtityn qarjylyq baqylaýdyń biryńǵai tsifrlyq ekojúiesi engizilýde.
Jańa tsifrlyq quraldar naqty ýaqyt rejiminde meditsinalyq kómektiń qalyptan tys kólemderin, jappai negizsiz jazbalardy, meditsinalyq qyzmet jetkizýshilerdiń jalǵan qyzmet belgilerin, kórsetilgen qyzmetter kólemin jasandy túrde ulǵaitýdy jáne basqa da táýekel stsenariilerin anyqtaýǵa múmkindik beredi.
Patsient baqylaýdyń tolyqqandy qatysýshysyna ainalady
Jańa modeldiń mańyzdy elementi qoǵamdyq baqylaý tetikterin damytý bolmaq. Árbir azamat óziniń atyna tirkelgen meditsinalyq qyzmetterdi jedel tekserip, is júzinde mundai kómek kórsetilmegen jaǵdailar týraly habarlai alady.
Mundai ótinishter tekserýler júrgizýge arnalǵan táýekel indikatorlarynyń qosymsha kózi retinde paidalanyldy.
MÁMS qarajatyn qorǵaýdyń jańa modeli
«Áleýmettik meditsinalyq saqtandyrý qory» KEAQ Basqarma Tóraǵasy Gúlmira Sábdenbekbaqylaýdy kúsheitý bir rettik naýqan emes, densaýlyq saqtaýdaǵy qarjylyq basqarýdyń júieli reformasy ekenin atap ótti.
«Qor baqylaý tásilin túbegeili ózgertýge bet burdy. Iaǵni, buzýshylyqtardy keiin anyqtaýdyń ornyna olardy aldyn alý sharalaryn qolǵa alamyz. Bizdiń maqsatymyzmeditsinalyq uiymdarǵa qarajat aýdarylǵanǵa deiin negizsiz tólemderdiń jasalýyna jol bermeý. Bul árbir teńgeniń maqsatty jumsalýyn qamtamasyz etip,azamattardyń MÁMS júiesine senimin nyǵaitýǵa múmkindik beredi», – dep atap ótti Gúlmira Sábdenbek.
Búgingi kúni 5,5 mln astam qazaqstandyq MÁMS jarnasyn tólep, aýdarym jasaidy. Jańa baqylaý júiesi olardyń árqaisysyna MÁMS qarajaty tek naqty kórsetilgen meditsinalyq kómekke jumsalyp, maqsatty baǵytta paidalanǵanyna qatań baqylaý jasalǵanyna senimdi bolýǵa múmkindik beredi.
