ساياساتتانۋشى ەلدەگٸ قالىپتاسىپ وتىرعان ەكونوميكالىق-ەلەۋمەتتٸك احۋال ٷكٸمەتتٸڭ وتستاۆكاعا كەتۋٸنە سەبەپ بولۋى مٷمكٸن ەكەنٸن ايتادى.
«بيزنەس پەن ەلەۋمەتتٸك سالاداعى جاعداي مەز ەمەس. كانيكۋلدان ورالعان مەجٸلٸس ٷكٸمەتكە قاتالدىق تانىتاتىنىنىڭ ىقتيمالدىعى جوعارى. دەپۋتاتتار ٶڭٸرلەردٸ ارالاپ, ونداعى «سايلاۋشىلارىمەن» كەزدەسٸپ, جاعدايعا قانىققان سوڭ كٶڭٸل-كٷيلەرٸ تٷسٸپ قايتاتىنى بەلگٸلٸ. ونىڭ ٷستٸنە, ٶتكەن سەسسييانىڭ سوڭىندا مەجٸلٸس تٶراعالىعىنا بەلسەندٸ, بٸرشاما قاتال نۇرلان نىعماتۋللين بارعانى جەنە بار», - دەگەن ول وسى كٷزدە ٷكٸمەتتٸڭ اۋىساتىنىن بولجاپ وتىر.
«داعدارىسقا دۋشار بولعان ەلدٸڭ ساياسي بولاشاعىن بولجاۋ قيىن. ال, بٸزدە بارلىعى بەي-بەرەكەت ٶتۋدە: قولعا الىنعان باستامالاردىڭ باسىم بٶلٸگٸ اقىلعا قونبايدى, ەل ەكونوميكاسىنداعى ناقتى احۋالدى تالداۋعا نەگٸزدەلمەگەن. بٸراق, دەستٷر بويىنشا بٸزدە ٷكٸمەت كٷزدە اۋىسىپ كەلەدٸ. تەۋەلسٸزدٸكتٸڭ العاشقى جىلدارى قازان ايىندا قارامانوۆ, تەرەششەنكو, قاجىگەلدين, بالعىمباەۆ قىزمەتٸنەن كەتكەن. قازٸر دە مەسٸموۆ كەتەدٸ دەگەن ەڭگٸمە كٷشەيۋدە, ٷكٸمەت دەلٸزدەرٸندە دە ٷكٸمەتتە كادرلىق اۋىس-تٷيٸستەر بولاتىنى جيٸ ايتىلىپ جٷر. قازٸردٸڭ ٶزٸندە بٸرقاتار شەندٸ تۇلعالارعا قاتىستى كومپراماتتار قوعامعا تاستالۋدا.
بٸراق, باستىسى بۇل ەمەس. كٷتٸلٸپ وتىرعان وتستاۆكاعا ەكونوميكالىق داعدارىس باستى قوزعاۋشى بولادى. ەكونوميكاداعى سەتسٸزدٸكتەر, ينفلياتسييا, ۆاليۋتا باعامىنىڭ تولقۋى قوعامداعى نارازىلىقتى قاجەتتٸ دەڭگەيگە ارتتىرىپ وتىر. سونىمەن قوسا, ەكونوميكانىڭ ٶسۋٸنە قانداي دا بٸر العىشارتتار جوق», - دەيدٸ د. ەشٸمباەۆ.
ساياساتتانۋشى ٷكٸمەتتٸ وتستاۆكاعا جٸبەرۋ دە وسى حالىق نارازىلىعىن باسۋدىڭ امالى ەكەنٸن ايتادى.
«وتستاۆكا قوعامداعى نارازىلىقتى بٸرشاما باسادى. جاپپاي نارازىلىق باستالعاننان گٶرٸ, ٷكٸمەتتٸ قۇربان ەتكەن تيٸمدٸ. بٸراق, ونىڭ نەتيجەسٸ قانداي بولاتىنى تٷسٸنٸكسٸز», - دەيدٸ ول.
دەرەككٶز: Qamshy.kz
