Aqyn Rinat Zaiytov "Almaty" telearnasyndaǵy "Ótkir til" baǵdarlamasyna suhbat berdi. Biraz dúnieniń basyn shaldy. Din, saiasat, qoǵam bári-bári qamtyldy. Sonyń ishinde aqynnyń "bilik halyqtyń qolynda, shendiniń bári bastyq emes" degen pikiri kóńilimizge qondy. Osy baǵdarlamada Zaiytov Másimovti túirep ótipti.
"Kárim Másimov premer-ministr bolyp turǵanda «otstavkaǵa» ketpeisiz be dep ashyq aitqanmyn. QR azamaty retinde ony aitýyma million negizim boldy.
Sol sóz aitylǵan aitystyń ertesinde men óz aramyzda kishigirim jinalysqa salyndym. Sonda bir-aq suraq qoidym.
Biz óz jerimizde, óz memleketimizde otyryp, ózimizdiń muń-muqtajymyzdy aitý úshin bir qyzmettegi adamnan qorqamyz ba?!
Bizdiń ata-zańymyzda Qazaqstannyń negizgi biligi halyqta, qalǵanynyń bári atqarýshy bilik dep jazylǵan. Demek, premer-ministr, depýtat, oblystyń ákimi barlyǵy halyqtyń qyzmetkerleri. Bastyǵymyz emes. Osynyń ara-jigin ajyratyp alý kerek", – deidi Rinat Zaiytov.
https://www.youtube.com/watch?v=ImPDyCix5rw
