Otyrys barysynda Májilis depýtaty Natalia Dementeva elimizdiń Bas prokýrorynan «Áleýmettik jelilerde depýtattarǵa halyqtan kóptegen suraq kelip jatyr. Sońǵy kúnderdegi eń ózekti suraqtardyń biri – «Eger Kárim Másimovtiń jáne Ulttyq qaýipsizdik komitetiniń basqa qyzmetkerleriniń kinási dáleldense, olar qandai jazaǵa taratylýy múmkin?» Soǵan bailanysty qylmystyq is qai kezeńge keldi?» dep surady.
Osy oraida Bas prokýror Ulttyq qaýipsizdik komitetiniń burynǵy tóraǵasy men onyń úsh orynbasaryna, eki bólimshe bastyǵyna qatysty birneshe is qozǵalyp, tergelip jatqanyn aitty.
– Onyń ishinde memlekettik opasyzdyq jasaý, bilikti kúshpen basyp alý úshin bilikti asyra paidalaný jáne para alý boiynsha qylmystyq ister tergelýde. Burynǵy tóraǵa men onyń orynbasarlary qamaýda. Olardyń is-áreketterine quqyqtyq baǵany sot beredi. Biraq, aldyn ala aitar bolsaq, atalǵan qylmystar úshin Qylmystyq kodekspen 17 jylǵa deiin bas bostandyǵynan aiyrý qarastyrylǵan. Qazir tergeý áli júrgizilip jatyr, – dedi Berik Asylov.
