وتىرىس بارىسىندا مەجٸلٸس دەپۋتاتى ناتاليا دەمەنتەۆا ەلٸمٸزدٸڭ باس پروكۋرورىنان «ەلەۋمەتتٸك جەلٸلەردە دەپۋتاتتارعا حالىقتان كٶپتەگەن سۇراق كەلٸپ جاتىر. سوڭعى كٷندەردەگٸ ەڭ ٶزەكتٸ سۇراقتاردىڭ بٸرٸ – «ەگەر كەرٸم مەسٸموۆتٸڭ جەنە ۇلتتىق قاۋٸپسٸزدٸك كوميتەتٸنٸڭ باسقا قىزمەتكەرلەرٸنٸڭ كٸنەسٸ دەلەلدەنسە, ولار قانداي جازاعا تاراتىلۋى مٷمكٸن?» سوعان بايلانىستى قىلمىستىق ٸس قاي كەزەڭگە كەلدٸ?» دەپ سۇرادى.
وسى ورايدا باس پروكۋرور ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى مەن ونىڭ ٷش ورىنباسارىنا, ەكٸ بٶلٸمشە باستىعىنا قاتىستى بٸرنەشە ٸس قوزعالىپ, تەرگەلٸپ جاتقانىن ايتتى.
– ونىڭ ٸشٸندە مەملەكەتتٸك وپاسىزدىق جاساۋ, بيلٸكتٸ كٷشپەن باسىپ الۋ ٷشٸن بيلٸكتٸ اسىرا پايدالانۋ جەنە پارا الۋ بويىنشا قىلمىستىق ٸستەر تەرگەلۋدە. بۇرىنعى تٶراعا مەن ونىڭ ورىنباسارلارى قاماۋدا. ولاردىڭ ٸس-ەرەكەتتەرٸنە قۇقىقتىق باعانى سوت بەرەدٸ. بٸراق, الدىن الا ايتار بولساق, اتالعان قىلمىستار ٷشٸن قىلمىستىق كودەكسپەن 17 جىلعا دەيٸن باس بوستاندىعىنان ايىرۋ قاراستىرىلعان. قازٸر تەرگەۋ ەلٸ جٷرگٸزٸلٸپ جاتىر, – دەدٸ بەرٸك اسىلوۆ.
