Qazaqstanda azamattarǵa alkogóldik, esirtkilik nemese ýytty zattarǵa masańdyqty anyqtaý úshin jeke zerthanalarǵa júginýge múmkindik berý usynylyp otyr. Bul bastamany Senat depýtaty Janna Asanova kóterdi, dep habarlaıdy Dalanews.kz.
Qazirgi tańda mundaı medısınalyq tekserý tek memlekettik mekemelerde júrgiziledi. Depýtattyń aıtýynsha, bul júıe ortalyqtandyrylǵan, mekemelerge salmaq túsiredi jáne tekserý nátıjelerine degen senimdi tómendetýi múmkin.
Osyǵan baılanysty senator jeke zerthanalardy arnaıy tizilimge engizip, olardy akredıtteý jáne olardyń qorytyndylaryn resmı túrde taný tetigin bekitýdi usyndy. Sondaı-aq azamattarǵa qaıta tekserýden ótetin oryndy ózderi tańdaýǵa múmkindik berý, bul rette búdjetke qosymsha shyǵyn túsirmeý qajet ekenin atap ótti.
Senatordyń pikirinshe, bul ózgeris medısınalyq kýálandyrý júıesin ashyq ári qoljetimdi ete túsedi.
