قازاقستاندا ازاماتتارعا الكوگولدىك، ەسىرتكىلىك نەمەسە ۋىتتى زاتتارعا ماساڭدىقتى انىقتاۋ ءۇشىن جەكە زەرتحانالارعا جۇگىنۋگە مۇمكىندىك بەرۋ ۇسىنىلىپ وتىر. بۇل باستامانى سەنات دەپۋتاتى جاننا اسانوۆا كوتەردى، دەپ حابارلايدى Dalanews.kz.
قازىرگى تاڭدا مۇنداي مەديسينالىق تەكسەرۋ تەك مەملەكەتتىك مەكەمەلەردە جۇرگىزىلەدى. دەپۋتاتتىڭ ايتۋىنشا، بۇل جۇيە ورتالىقتاندىرىلعان، مەكەمەلەرگە سالماق تۇسىرەدى جانە تەكسەرۋ ناتيجەلەرىنە دەگەن سەنىمدى تومەندەتۋى مۇمكىن.
وسىعان بايلانىستى سەناتور جەكە زەرتحانالاردى ارنايى تىزىلىمگە ەنگىزىپ، ولاردى اككرەديتتەۋ جانە ولاردىڭ قورىتىندىلارىن رەسمي تۇردە تانۋ تەتىگىن بەكىتۋدى ۇسىندى. سونداي-اق ازاماتتارعا قايتا تەكسەرۋدەن وتەتىن ورىندى وزدەرى تاڭداۋعا مۇمكىندىك بەرۋ، بۇل رەتتە بيۋدجەتكە قوسىمشا شىعىن تۇسىرمەۋ قاجەت ەكەنىن اتاپ ءوتتى.
سەناتوردىڭ پىكىرىنشە، بۇل وزگەرىس مەديسينالىق كۋالاندىرۋ جۇيەسىن اشىق ءارى قولجەتىمدى ەتە تۇسەدى.
