Aqtóbe oblysynda politsiia qyzmetkeri mas kúiinde kólik tizgindep, eki adamdy qaǵyp óltirdi, dep habarlaidy Dalanews.kz.
"Aqtóbe oblysynda politsei erli-zaiyptyny óltirdi", - delingen juma kúni taraǵan habarlamada.
Alǵashynda áleýmettik jelide Aqtóbe oblysynda politsiia qyzmetkeri adam ólimimen aiaqtalǵan jol apatyna sebep boldy degen aqparat paida boldy.
"Aldyn ala málimet boiynsha, 34 jastaǵy politsei mas kúiinde Kia kóliginiń tizginine otyryp, rýlge ie bola almai, 25 jáne 26 jastaǵy erli-zaiyptyny qaǵyp ketken. Aitýlarynsha, áýeli tártip saqshysy oqiǵa ornynan qashyp ketpek bolǵan, biraq keiinnen bas tartqan", - delingen habarlamada.
Aqtóbe oblystyq Politsiia departamentiniń baspasóz qyzmeti qaiǵyly oqiǵaǵa politsiia qyzmetkeriniń qatysy baryn rastady.
"JKO deregi boiynsha sotaldy tergeý júrgizilip, júrgizýshi qamaýǵa alyndy. Qyzmettik tekserý júrgizildi, onyń nátijeleri boiynsha jeti jaýapty qyzmetker, onyń ishinde tikelei basshylar atqaratyn laýazymdarynan bosatyldy", - dep habarlady politsiia.
