Merkide kóz jumǵan 19 jastaǵy Madinanyń ólimine qatysty qoǵamdaǵy talqylaý áli de jalǵasyp jatyr. Bul joly áleýmettik jeli qoldanýshylary marqumnyń qaiyn sińlisine qatysty túrli málimet tarata bastady, dep habarlaidy dalanews.kz.
Jýrnalist Jan Ahmadiev Madinanyń anasymen birge marqumnyń qaiyn jurtyna baryp, onyń jeke zattary men kiimderin almaq bolǵan. Alaida sol jerde taraptar arasynda sózge kelý bolǵany aitylady.
Jelide taraǵan videoda marqumnyń qaiyn sińlisi zattardy alyp ketýge qatysty daýys kóterip, «zatty áketińder» degeni estiledi. Sondai-aq «qalyń mal bergenbiz» degen sóz de aitylǵan. Bul jaǵdai áleýmettik jeli qoldanýshylarynyń narazylyǵyn týdyrdy.
Osydan keiin jýrnalist Rýslan Ótepbaiǵa Madinany burynnan tanyǵanyn aitqan áielden hat kelgen. Hat avtorynyń sózinshe, ol byltyr naýryz aiynda Madinamen ginekologiia bóliminde bir palatada jatqan.
«Sálemetsiz be, qalyńyz qalai? Myna barni úshin qaitys bolǵan qyzben byltyr naýryz aiynda ginekologiiada bir palatada jatqan edik. Ol kezde endi júkti bolǵan kezi eken, qaýippen jatty. Ekeýmiz palatada qalǵanda jylap, áńgimesin aityp berip edi. Kúieýim ne bolsa da ura beredi dep. Ata-enesi de jas eken, aityp edi, umytyp qaldym. 82-84-tegiler me, sondai.
Bul qyzdyń ákesi joq eken. Biraq «elderge ákem bar dep aitamyn, jumysqa ketti dep aitamyn bárine» dep edi. «Ákem joq dep aitqym kelmeidi» dep. Qudai-ai, júregim aýyryp, uiqym qashty. Sol kezde jylap aityp edi: «Ura beredi» dep. «Qaiynsińilim bar, ol da ortaǵa túsip, qyrylystyryp otyrady» dep edi. Ózi erkelep sóileidi eken, kishkentai ǵoi endi, 17-de. Endi mine, aqyry túbine jetipti ǵoi. Sol kezde «bir ret urǵannan keiin ketip qal, qaýipke jetkenshe urǵan adammen turýdyń qajeti joq» dep edim. Odan keiin ol qyzdy kórmedim. Osyny instadan kórip, shok bolyp jatyrmyn. Hidjappen kelgen bolatyn palataǵa. Keiin sheshken siiaqty ǵoi. Alla aldynan jarylqasyn», – delingen hatta.
Hatta aitylǵan jaittar ázirge resmi organdar tarapynan rastalǵan joq. Sondai-aq áleýmettik jelide marqumnyń qaiyn sińlisine qatysty taraǵan ózge de málimetterdiń shynaiylyǵy belgisiz.
Qazirgi tańda Madinanyń ólimine qatysty tergeý jalǵasyp jatyr. Oqiǵaǵa bailanysty barlyq derek pen kýágerlerdiń málimdemesine quqyq qorǵaý organdary baǵa berýi tiis.
