Demalys kúni bolǵanyna qaramastan, sailaý ýchaskelerine kelýshiler legi tańerteńnen beri tolastaǵan joq. Daýys berý birtutas úlken sharanyń atmosferasyna ie bolyp keledi: kei jerde tań batamen bastalsa, endi bir jerde kelgenderdi dástúrli shashýmen qarsy alyp jatyr. Al keibir azamattar júgirýden, velosherýden nemese fýtbol jattyǵýynan keiin daýys berýge kelgen. Kei ýchaskelerde kezek ashylǵan sátten-aq, tańǵy saǵat 7-den jinala bastaǵan. OSK málimetinshe, osy ýaqytqa deiin eldiń 20 óńirinde 10 363 ýchaske jumysyn bastady. Shetelde taǵy 79 ýchaske qurylǵan, dep habarlaidy dalanews.kz.
Óńirlerden taraǵan kadrlarǵa qaraǵanda, qazaqstandyqtar sailaýǵa erekshe kóńil kúimen kelgen.
Mysaly, Astana turǵyny daýys berýge úi halatymen jáne adamǵa uqsas robotpen keldi. Al elordadaǵy júgirýshiler tańǵy jattyǵýyn sailaý ýchaskesiniń aldynda aiaqtady. Aqtóbede ýchaskege bir mezette 20 velosipedshi keldi.
Almatyda sailaýǵa "Messi" men "Ronaldý" da keldi. Daýys berer aldynda erekshe dýet №294 ýchaske mańynda jattyǵý jasap, ainalasyna tez arada kórermender jinaǵan.
Kei jerde daýys berý kúni batamen, endi bir jerde júgirýmen, fýtbolmen nemese velosherýmen bastaldy. Ýchaskelerde alǵash ret daýys berip jatqan azamattardy qarsy alyp, alǵashqy sailaýshylardy quttyqtap jatyr.
Almatyda kúnniń eń mándi oqiǵalarynyń biriniń basty keiipkeri osy jaǵdaiǵa erekshe úilesetin Quryltai esimdi sailaýshy boldy. Qala turǵyny alǵashqy Quryltai sailaýyna qatysý úshin sailaý ýchaskesine keldi.
Jeksenbi tańyndaǵy eń mańyzdy kórinis - adamdar áli de sailaý ýchaskelerine aǵylyp jatqany. Demalys kúni endi ǵana bastaldy, al eldegi sailaý ýchaskelerinde qazirdiń ózinde qyzý tirshilik baiqalady.
