Búgin, 23 tamyzda saǵat 6:00-de Qazaqstan Respýblikasynyń Memlekettik Ánurany dástúrli túrde oryndalǵannan keiin Qarmet metallýrgiialyq kombinaty aýmaǵynda eki sailaý ýchaskesi ashyldy, dep habarlaidy dalanews.kz.
Kombinattaǵy óndiris bir minýtqa da toqtaǵan joq. Búgin aýysymda bir mezette shamamen 4 700 metallýrg - bolat balqytýshylar, prokatshylar, energetikter, jóndeýshiler jáne basqa da óndiristik bólimshelerdiń qyzmetkerleri bar.
"Daýys berýge qatysý - bizdiń azamattyq boryshymyz ári eldiń bolashaǵy aldyndaǵy jaýapkershiligimiz. Biz óz jumysymyzǵa jaýapkershilikpen qaraýǵa úirengenbiz jáne Qazaqstannyń odan ári damýyna áser etetin tańdaýǵa da dál osyndai jaýapkershilikpen qaraýdy mańyzdy dep sanaimyz", - deidi metallýrgter.
Qarmet shahterleri de daýys berýge belsendi qatysyp jatyr. Olar óz daýystaryn kenshiler óńiriniń qalalaryndaǵy sailaý ýchaskelerinde berip jatyr.
Úzdiksiz óndiriste jumys isteitin qyzmetkerler sailaý quqyǵyn kásiporyn aýmaǵynan shyqpai-aq júzege asyra alýy úshin Qarmet basshylyǵy eki ýchaskeniń jumysyna qajet barlyq jaǵdaidy jasady.
Daýys berý kásiporynnyń aýysymdyq jumys kestesin eskere otyryp, kúni boiy ótedi.
Qarmet úshin bul - 23 tamyzda jumys oryndarynda bolyp, eldegi eń iri metallýrgiialyq kásiporynnyń úzdiksiz jumysyn qamtamasyz etip otyrǵan myńdaǵan adamǵa daýys berýge múmkindik syilaý.
