2019 jyldan beri Qazaqstanda 1 263 densaýlyq saqtaý nysany salyndy. Iri jobalardyń qatarynda Astanadaǵy Ulttyq ǵylymi onkologiia ortalyǵy men 200 tósekke arnalǵan Ulttyq shuǵyl meditsinany úilestirý ortalyǵy, Almatydaǵy 350 tósekke arnalǵan Ulttyq infektsiialyq aýrýlar ǵylymi ortalyǵy, sondai-aq óńirlerdegi jańa aýrýhanalar men emhanalar bar, dep habarlaidy dalanews.kz.
Meditsinalyq infraqurylymdy damytý birneshe mindetti qatar sheshýge múmkindik beredi: densaýlyq saqtaý júiesiniń qýattylyǵyn arttyrý, halyqtyń mamandandyrylǵan jáne joǵary tehnologiialyq meditsinalyq kómekke qoljetimdiligin keńeitý, zamanaýi diagnostika men emdeý ádisterin engizý, sondai-aq meditsina mamandarynyń jumys isteýine jańa jaǵdailar jasaý.
Búginde elimizde jalpy quny 108 mlrd teńgeni quraityn 51 densaýlyq saqtaý nysany qatar salynyp jatyr. Atap aitqanda, Qyzylorda jáne Óskemen qalalarynda 300 tósekke arnalǵan kópbeiindi aýrýhanalardyń qurylysy jalǵasýda. Atyraý oblysynyń Órken jáne Nursaia shaǵyn aýdandarynda, Soltústik Qazaqstan oblysynyń Beskól aýylynda jáne Taldyqorǵan qalasynda jańa emhanalar boi kóterýde.
Meditsinalyq nysandardy salý jáne jańǵyrtýmen qatar, olardy kadrlarmen qamtamasyz etý jáne óńirlerge mamandar tartý jumystary júrgizilýde. 2023–2025 jyldary jáne 2026 jyldyń birinshi jartyjyldyǵynda aýyldyq meditsinalyq uiymdarǵa 1 735 maman jumysqa ornalastyryldy.
Onyń ishinde 722 dáriger jáne 1 013 orta meditsina qyzmetkeri bar. Osy kezeńde jańǵyrtylyp jatqan 32 aýdandyq aýrýhanaǵa taǵy 624 dáriger men 642 orta meditsina mamany keldi. Osylaisha, aýyldyq densaýlyq saqtaýdy kadrlarmen qamtamasyz etý jónindegi ulttyq jobanyń is-sharalary 100% oryndaldy.
Aýyldyq densaýlyq saqtaýǵa erekshe kóńil bólinýde. Bul baǵytta alǵashqy meditsinalyq-sanitariialyq kómek júiesi damytylyp, aýdandyq aýrýhanalardyń múmkindikteri kúsheitilýde.
2025 jyldyń sońyna qarai «Aýyldyq densaýlyq saqtaýdy jańǵyrtý» ulttyq jobasynyń sheńberinde josparlanǵan meditsinalyq-sanitariialyq alǵashqy kómek nysandarynyń barlyǵy – 655 nysannyń qurylysy aiaqtaldy. Sonyń arqasynda 1 mln-nan astam aýyl turǵyny meditsinalyq kómekke tikelei turǵylyqty jeri boiynsha júginý múmkindigine ie boldy. Jańa nysandar telemeditsina jáne fizioterapiia kabinetterimen, dárihana pýnktterimen, emdik dene shynyqtyrý zaldarymen jáne basqa da qajetti infraqurylymmen jabdyqtalǵan.
Sonymen qatar 32 aýdandyq aýrýhana jańǵyrtylýda, onyń 12-si tolyq jańartyldy. Jóndeý jáne jańǵyrtý jumystarymen qatar aýrýhanalar kompiýterlik tomograftar men angiografiialyq keshenderdi qosa alǵanda, zamanaýi meditsinalyq jabdyqtarmen jaraqtandyrylýda.
Bul ásirese infarkt pen insýlt kezinde mańyzdy, óitkeni mundai jaǵdaida meditsinalyq kómek alǵashqy saǵattarda kórsetilýi qajet. Jańa jabdyqtar aýdan ortalyqtarynyń ózinde diagnostika júrgizip, emdeýdi bastaýǵa múmkindik beredi. Nátijesinde patsientterdi oblystyq aýrýhanalarǵa tasymaldaý qajettiligi azaiady.
Jańǵyrtý jumystary aiaqtalǵannan keiin 4 mln-nan astam aýyl turǵyny aýdan deńgeiinde mamandandyrylǵan jáne joǵary tehnologiialyq meditsinalyq kómekke qol jetkizedi. Mamandardyń baǵalaýynsha, jobany iske asyrý júrek-qan tamyrlary aýrýlary men insýltten bolatyn ólimdi shamamen 20%-ǵa tómendetýge múmkindik beredi.
Meditsinalyq nysandardy salý jáne jańǵyrtýmen qatar, óńirlerge mamandar tartý jumystary da jalǵasýda. 2023–2025 jyldary jáne 2026 jyldyń birinshi jartyjyldyǵynda aýyldyq meditsinalyq uiymdarǵa 1 735 maman, onyń ishinde 722 dáriger men 1 013 orta meditsina qyzmetkeri jumysqa ornalastyryldy. Osy kezeńde jańǵyrtylyp jatqan 32 aýdandyq aýrýhanaǵa taǵy 624 dáriger jáne 642 orta meditsina mamany keldi.
