Búgin, 23 tamyzda, Qazaqstan óz tarihynda alǵash ret Quryltai depýtattaryn sailap jatyr, dep habarlaidy dalanews.kz.
Daýys berý tańǵy saǵat 07:00-den bastalyp, 20:00-ge deiin jalǵasady. Alǵashqy saǵattardyń ózi jeksenbiniń tańyna tán mamyrajai tynyshtyqtyń bul joly sailaý ýchaskelerinde baiqalmaǵanyn ańǵartty.
Esikter ashyla salysymen sailaýshylar sailaý komissiialarynyń ústelderine qarai aǵylyp, keibir ýchaskelerde birden kezek qalyptasty. Tańnan-aq búgingi kúnniń airyqsha tynysy seziledi.
Daýys berýge jurt jeke-jeke de, otbasymen de, tutas eńbe kujymdarymen de kelip jatyr. Qazaqstan úshin bul jeksenbi daýys berý faktisiniń ózimen-aq tarihi kúnge ainaldy: el azamattary alǵash ret jańa ókildi organ –tuńǵysh Quryltaidyń quramyn jasaqtaýda.
