Aqpannyń basy qatty bolyp, egindi 1-2 aptaǵa kesh bastaǵan "Ábsattar ata" sharýa qojalyǵynyń basshysy Fazylbek Jarqynbekov mamyrǵa jetpei ónim alýdy kózdep otyr.
– Jylyjaida 150 myń túp qyryqabattyń kóshetin daiyndap, 30 adamnan quralǵan brigadamen kóshet otyrǵyzýdy bastadyq. Jumysshylarǵa kúnine 2000 teńgeden eńbek aqysyn tóleýdemiz. Negizinen daqyl 2 aidyń kóleminde pisip, jetiledi. Sondai-aq, 90 kúnde jetiletin sortyn da ektik. Egilgen kóshettiń ústin japqyshpen jaýyp, jaýyn-shashynnan qorǵaimyz. Eń bastysy – kútip-baptaýǵa úlken mán berilýi kerek, – deidi F.Jarqynbekov.
Maqtaraldyq diqandar salmaǵy 1-1,5 keliden aspaityn qyryqqabattyń niderlandyq pandion surpyn egýde. Erte pisetin ónim túrine eýropalyqtar men reseilikter tarapynan suranys kóp.
Jalpy, qyryqqabat daqyly erte pisetindikten, maqtaraldyq diqandar onyń artynan qaýyn-qarbyz egýge kirisedi. Osylaisha jer emgen sharýalar 1 jylda eki ret ónim alady. Byltyrǵy jyly sáýir aiynda alǵashqy ónimin alǵan maqtaraldyq diqandar respýblikanyń birneshe oblysyn jáne Resei Federatsiiasyn qyryqqabatpen qamtamasyz etken bolatyn.
Aita keteiik, Maqtaral aýdanynda byltyr 3877 gektarǵa kókónis egilip, ortasha 231,3 tsentnerden 89689 tonna ónim jinalǵan. Al, onyń 50 myń tonnadan astamy qyryqqabat ónimi bolatyn.
OQO ákiminiń baspasóz qyzmeti
https://dalanews.kz/32248
