Nysannyń ashylý saltanatyna qatysqan aýdandyq ishki saiasat, mádeniet jáne tilderdi damytý bóliminiń basshysy P.Esenbekov sport alańyna esimi berilgen Esengeldi Mustapauly týraly óz estelikterimen bólisti.
"Esekeń osy aýyldyń kórkeiýine bar kúshin jigerin arnaǵan atpal azamat edi. Toqyraý jyldary jaryq, jylý, sýsyz qalǵan kezderde aýyl azamattarynyń basyn qosyp, kóptegen igi bastamalardyń uiytqysy bola bilgen. Mine, ákeniń izin jalǵap balalary aýdan ortalyǵynan shalǵaida jatqan aýyldy kóriktendirýge úlesin qosýda" – dedi P.Esenbekov.
Sóz kezegin alǵan Jańajol aýyldyq okrýginiń ákimi Muqan Baiymbetov Seidaqovtar áýletine ákimshilik tarapynan rizashylyǵyn aityp, Elbasymyzdyń "Týǵan jer" baǵdarlamasy aiasynda kásipkerlerdiń demeýshligimen okrýgte kóptegen nysandar ashylǵandyǵyn atap ótti. Sondai-aq, nysannyń ashylýna orai fýtboldan ótken jarystyń jeńimpazdaryn marapattady.
Aita keteiik, sport alańyna esimi berilgen Seidaqov Esengeldi Mustapauly 1945 jyly Ońtústik Qazaqstan oblysy, Maqtaaral aýdanynda dúniege kelgen. 1953 jyly osy aýdandaǵy Q.Qaisenov mektebiniń 1-synybyna baryp, 1963 jyly qazirgi J.Nurlybaev aýylynda Y.Altynsarin mektebin támamdady.
Almatynyń zooveterinarlyq institýtyn bitirip, 1973 jyly Maqtaaral aýdanynyń Maqtaaral savhozyna mal dárigeri bolyp eńbek jolyn bastaidy. 1986 jyldan bastap 19 jyl boiy qarakól qoiyn ósirýden úzdik bolǵan Jeńis savhozynda bas mal dárigeri bolyp qyzmet etedi. Ol óziniń jumys ortasynda erekshe ustanymy men talaby bar bilikti maman bola bilgen. Máselen, Esengeldi Mustapaulynyń tusynda Jeńis savhozyndaǵy qarakól qoi sharýashylyǵy - elimizdiń qoi sharýashylyǵynda altynǵa para par bolǵan eltirini óndirýde aldyńǵy qatarly sharýashylyqtardyń qatarynda bolǵan.
