Maqtaralda B.Jańbyrbaev atyndaǵy halyqaralyq týrinir ótti
Maqtaral aýdanynda tól sportymyz – qazaq kúresinen dúbirli doda ótti. Jyl saiyn ótetin Baqytjan Jańbyrbaev atyndaǵy halyqaralyq HXIV ashyq týrnirge Resei, Qytai, Ózbekstan, Tájikstan elderinen kelgen balýandarmen qatar, Almaty, Shyǵys Qazaqstan, Mańǵystaý, Atyraý, Ońtústik Qazaqstan oblystarynan kelgen balýandar qatysyp, eki kún boiy beldesti.
Týrnir ádettegidei Qazaqstannyń ánuranymen bastalyp, dodany saltanatty túrde ashyp bergen aýdan ákimi Jamantai Beisenbaev jarysqa qatysýshylarǵa aqjol tiledi. Sondai-aq, aýdan basshysy uzaq jyldar boiy Dúniejúzilik qazaq kúresi federatsiiasyn basqarǵan Serik Tókeevti 60 jyldyq merei toiynmen quttyqtap, ústine shapan jaýyp, astyna tulpar mingizdi.
Dúbirli dodaǵa qatysqan 121 sportshy 60, 70, 80, 90, +90 keli salmaqtar boiynsha óz baqtaryn synady. Nátijesinde, 60 keli salmaq boiynsha ońtústik qazaqstandyq Amanhan Ósenbaev, 70 keli salmaq boiynsha maqtaraldyq Davron Dadaev, 80 keli jáne 90 keli salmaqtar boiynsha ońtústik qazaqstandyq balýandar Erkinbek Bólen, Ersultan Mýzapparovtar birinshi oryndy aldy. Sondai-aq, +90 keli salmaqty da, túie palýan salmaq dárejesinde de bas júldeni shyǵys qazaqstandyq Talǵat Amrenov jeńip alyp, túie palýannyń bas júlesine arnalǵan avtokólikti qanjyǵasyna bailady.
Aýdan ákimi túrli salmaqtar boiynsha 1,2,3 oryndardy alǵan balýandardyń barlyǵyn da aqshalai syilyqtarmen marapattap, moiyndaryna medal taqty. Túie palýan T.Amrenovqa avtokóliktiń kiltin tabystap, temir tulparyna otyrǵyzdy.
Aita keteiik, dástúrli B.Jańbyrbaev atyndaǵy halyqaralyq týrnir kelesi jyly da óz jalǵasyn tabady.
Maqtaral aýdany ákiminiń baspasóz qyzmeti
