Tasqyn sý qaýip tóndirgen Nurly jol men Ferdoýsi aýyldarynan 415 úidiń 3200-den astam turǵyny da qaýipsiz aimaqqa shyǵaryldy. Jalpy osy sátke deiin 5400 turǵyn qaýipsiz jerge ornalastyrylǵan.
– Jalpy sý tasqyny aýdan boiynsha 4 eldimekenge qaýip tóndirdi. Bul degenimiz 4624 halqy bar 868 úi sý astynda qalýy múmkin edi degen sóz. Alaida, qazir der kezinde qolǵa alynǵan sharalardyń arqasynda qaýiptiń beti qaitty. Tótenshe jaǵdaiǵa bailanysty 18 evakýatsiialyq oryndar daiyndaldy. Olar Atakent, Maqtaral, Jambyl eldimekenderinde ornalasqan. Apattan qutqarý jumystaryna 630 adam, 2 sý kóligi jáne 56 tehnika jumyldyryldy. Qajetti sharalar tiisti deńgeide atqarylyp jatyr, – dedi N.Júnisov.
– Evakýatsiialanǵan aýyl turǵyndary mektepterge jaiǵastyryldy. Koronavirýs indetiniń taralýynyń aldyn alý úshin evakýatsiialanǵan azamattarǵa meditsinalyq betperde men avtiseptikter taratyldy. Qazirgi tańda tótenshe jaǵdaidan kelgen shyǵyn kólemin esepteý jumystary júrgizilýde, – dedi B.Asanov.
Atap óteiik, mamandar eger sý tasqynynan keletin qaýip qaita kúsheietin bolsa, sol aimaqtaǵy azamattar men úi janýarlaryn qaýipsiz jerge evakýatsiialaý sharalary uiymdastyrylatynyn jetkizdi. Mundai jumystarǵa kórshi jatqan Keles, Jetisai, Shardara, Saryaǵash aýdandarynyń ákimshiligi atsalysatyn bolady. Qazirgi tańda osy boiynsha halyqqa túsindirý jumystary júrgizilýde. Jaǵdai baqylaýda, qaýip tolyǵymen seiilgenine kóz jetkizilse, evakýatsiialanǵan barlyq azamattar úilerine jiberiletin bolady.
Túrkistan oblysynyń Óńirlik kommýnikatsiialar qyzmeti
