تاسقىن سۋ ءقاۋىپ توندىرگەن نۇرلى جول مەن فەردوۋسي اۋىلدارىنان 415 ءۇيدىڭ 3200-دەن استام تۇرعىنى دا ءقاۋىپسىز ايماققا شىعارىلدى. جالپى وسى ساتكە دەيىن 5400 تۇرعىن ءقاۋىپسىز جەرگە ورنالاستىرىلعان.
– جالپى سۋ تاسقىنى اۋدان بويىنشا 4 ەلدىمەكەنگە ءقاۋىپ ءتوندىردى. بۇل دەگەنىمىز 4624 حالقى بار 868 ءۇي سۋ استىندا قالۋى مۇمكىن ەدى دەگەن ءسوز. الايدا، ءقازىر دەر كەزىندە قولعا الىنعان شارالاردىڭ ارقاسىندا ءقاۋىپتىڭ بەتى قايتتى. توتەنشە جاعدايعا بايلانىستى 18 ەۆاكۋاسيالىق ورىندار دايىندالدى. ولار اتاكەنت، ماقتارال، جامبىل ەلدىمەكەندەرىندە ورنالاسقان. اپاتتان قۇتقارۋ جۇمىستارىنا 630 ادام، 2 سۋ كولىگى جانە 56 تەحنيكا جۇمىلدىرىلدى. قاجەتتى شارالار ءتيىستى دەڭگەيدە اتقارىلىپ جاتىر، – دەدى ن.ءجۇنىسوۆ.
سونداي-اق، ونلاين بريفينگتە مالىمدەمە جاساعان ماقتارال اۋدانىنىڭ اكىمى ب.اسانوۆ ءقاۋىپ سەيىلدى ەكەن دەپ ارقانى كەڭگە سالۋعا بولمايتىنىن ايتتى.
– ەۆاكۋاسيالانعان اۋىل تۇرعىندارى مەكتەپتەرگە جايعاستىرىلدى. كوروناۆيرۋس ىندەتىنىڭ تارالۋىنىڭ الدىن الۋ ءۇشىن ەۆاكۋاسيالانعان ازاماتتارعا مەديسينالىق بەتپەردە مەن اۆتيسەپتيكتەر تاراتىلدى. قازىرگى تاڭدا توتەنشە جاعدايدان كەلگەن شىعىن كولەمىن ەسەپتەۋ جۇمىستارى جۇرگىزىلۋدە، – دەدى ب.اسانوۆ.
اتاپ وتەيىك، ماماندار ەگەر سۋ تاسقىنىنان كەلەتىن ءقاۋىپ قايتا كۇشەيەتىن بولسا، سول ايماقتاعى ازاماتتار مەن ءۇي جانۋارلارىن ءقاۋىپسىز جەرگە ەۆاكۋاسيالاۋ شارالارى ۇيىمداستىرىلاتىنىن جەتكىزدى. مۇنداي جۇمىستارعا كورشى جاتقان كەلەس، جەتىساي، شاردارا، سارىاعاش اۋداندارىنىڭ اكىمشىلىگى اتسالىساتىن بولادى. قازىرگى تاڭدا وسى بويىنشا حالىققا ءتۇسىندىرۋ جۇمىستارى جۇرگىزىلۋدە. جاعداي باقىلاۋدا، ءقاۋىپ تولىعىمەن سەيىلگەنىنە كوز جەتكىزىلسە، ەۆاكۋاسيالانعان بارلىق ازاماتتار ۇيلەرىنە جىبەرىلەتىن بولادى.
تۇركىستان وبلىسىنىڭ وڭىرلىك كوممۋنيكاسيالار قىزمەتى
