Aýdan ákimi Baqyt Asanovtyń aitýynsha, aýqymdy josparǵa sáikes, aýdannyń kirberisi sanalatyn Azattyq aýylynan bastap Atakent kentine deiingi, odan Myrzakent kentine deiingi joldardyń boiy tolyqtai abattandyrylyp, jaryqshamdar ornatylatyn bolady.
Sondai-aq, Atakent pen Myrzakent kentteriniń kireberis qaqpalaryn jańadan salý úshin sáýlettik jobalar daiyndalýda.
Maqtaaral aýdanynyń jańa ákimshilik ortalyǵy - Myrzakent kentiniń jol jiekteri de aldaǵy ýaqytta jańa keiipke enedi.
Naqtyraq aitsaq, kórki kóz tartar sharbaqtar men jol shamdary ornatylyp, tolyqtai abattandyrylmaq. Sondai-aq, kentte kógaldandyrý jumystary júrip, jaiaý júrginshilerge arnalǵan jolaiaqtardy salý josparlanyp otyr. Mundai abattandyrý jumystary jańadan qurylǵan aýdannyń barlyq eldi mekenderinde jasalynady.
Qazirgi ýaqytta aýdan ortalyǵyndaǵy Qojanov, Madihodjaev, Toiǵanov kósheleriniń ortasynda ornalasqan bordiýrlerdiń topyraqtary tegistelip, ákteý-syrlaý jumystary jasalynýda. Bordiýrler daiyn bolǵan soń, aýdan ortalyǵyna túrli-tústi gúlder egiletin bolady.
Aýdan ákimi apparatynyń ǵimaratyn jóndeýden ótkizý, aýdan aýmaǵyndaǵy mádeniet jáne sport nysandaryn abattandyrý, eski ǵimarattardy qaita qalpyna keltirý máseleleri de jergilikti basshylyqtyń nazarynda. Kásipkerlerdi arnaiy jinap, olarǵa usynys berý arqyly da aýdan ortalyǵynda saýda ortalyqtary men kásipkerlik nysandardy kóptep salý josparda bar eken.
