Ońtústikke kómekke kelgen uzynaǵashtyq 28237 áskerı bóliminiń jedel mehanızasıalanǵan otrád sarbazdary 10 mamyr kúni Jeńis eldimekeninde gaz qurylǵysymen jabdyqtalǵan Mersedes avtokóliginen órt shyqqanyn baıqaıdy.
Oqıǵa ornyna jedel barǵan áskerı qyzmetshiler avtokóliktegi órtti sóndirip, kólik ıesine kómektesken. Shuǵyl árekettiń arqasynda kólik ıesi japa shekken joq. Jergilikti turǵyndy qaýipten maıor Baýyrjan Jumabekov pen qatardaǵy jaýynger Baǵlan Nýrı arashalap qalǵan.
Al Shymkent qalasynan kelgen 6506 áskerı bóliminiń qyzmetkerlerinen quralǵan jasaq Myrzakent aýylynda patrúlde júrip, tańǵy 4-5 shamasynda turǵyn úılerdiń birinen gaz balonynyń jarylǵanyna kýá bolady.
Órt bastalǵan úıdiń esigin ashyp, kórshilerine habar berip, úı ıesin shaqyrtady. Kezekshi aǵa leıtenant Serik Qudaıbergenov órt bolǵan jerge ýchaskelik polısıa qyzmetkerin jáne órt sóndirý komandasyn shaqyrtady.
Órtti sóndirip, adamdar qaýipsizdigi úshin shep qurady. Bul sarbazdardyń kúndelikti basynan ótkizip jatqan oqıǵalardyń bir parasy.
Atap óteıik, qazirgi tańda Maqtaaral aýdanyndaǵy sý basqan aımaqta 1626 adam, 324 tehnıka, 17 qaıyq, 217 motopompa jumys isteýde.
Túrkistan oblysynyń Óńirlik komýnıkasıalar qyzmeti
