Maqtaaralda tótenshe jaǵdailardyń aldyn alý jóninde basqosý ótti
Májiliste aýdandyq turǵyn úi-kommýnaldyq sharýashylyq, jolaýshylar kóligi jáne avtomobil joldary bóliminiń basshysy Ǵabit Polatov Maqtaaral elektr jelileri mekemesiniń qys merzimine daiyndyǵy týraly baiandama jasady. Bólimniń bastamasymen aýdanda jańadan salynǵan úilerdiń infraqurylymyn jaqsartý maqsatynda jańa úlgidegi baǵdarlamamen jabdyqtalǵan qosalqy transformatorlar paidalanýǵa berilip jatyr eken.
– Barlyq qyzmetkerler qysqy qalyń kiimdermen, jyly aiaqkiimdermen, qural-saimandarmen tolyq qamtamasyz etilgen. Barlyq jumysshylarǵa tótenshe jaǵdai barysynda kimniń qandai qyzmet atqaratyny, órtke qarsy jáne eńbekti qorǵaý instrýktsiialary tanystyrylyp, túsindirilgen. Mekemeniń keńse ǵimarattary, monterlyq pýnkttar, óndiristik jáne jumys oryndaryndaǵy avtonomdy jylytý júieleri jóndeýden ótkizilip qosylǵan, – dedi Ǵ.Polatov.
Jiyn barysynda densaýlyq saqtaý, bilim berý mekemeleriniń 2018-2019 jylǵy jylý maýsymyna daiyndyǵy týraly da baiandamalar jasaldy. Sondai-aq, májilisti qorytyndylaǵan komissiia tóraǵasynyń orynbasary Beisenbai Tórebekov úzdiksiz elektr qýatymen, tabiǵi gazben, aýyz sýmen, káriz júiesimen maqtaaraldyqtardy qamatamasyz etýde eshqandai másele bolmaýy úshin daiyndyq joǵary deńgeide bolýy kerektigin atap ótti.
Maqtaaral aýdany ákiminiń baspasóz qyzmeti
