«Tsifrlyq Qazaqstan» memlekettik baǵdarlamasyn jergilikti jerde oryndaý maqsatynda ashylyp otyrǵan synyptar maqtaaraldyq oqýshylardyń qazirgi zaman talabyna sai bilim alýyna múmkindik berip otyr.
Eń aldymen aýdan ákimi Baqyt Asanov aýdan ortalyǵyndaǵy №120 jalpy orta mektebi men «Myrzakent» mektep-gimnaziiasyna baryp, jańadan ashylǵan IT synyptardyń lentasyn qidy. Óńir basshysy aýyl balalarynyń ǵylymi-tehnikalyq bilimdi shynaiy ómirde qoldanýyna, zamanaýi tehnologiialardy jetik bilýine jol ashyp otyrǵan jobany barlyq mektepke endirý kerektigin basa aitty.
«IT synyptarda 8-16 jas aralyǵyndaǵy balalar baǵdarlamalaý jáne robot tehnikasynyń negizderi týraly Eýropalyq bilim berý standarty boiynsha tereńdetilgen bilim alady. Bul bastama mektepterge fakýltativti pán retinde engizilip, elektivti kýrs retinde júrgiziledi» - dedi Baqyt Násirhanuly.
Aýdan ortalyǵyndaǵy №120 jalpy orta mektebi men «Myrzakent» mektep-gimnaziiasynan bólek, Atakent kentindegi «Maqtaaral» mektep-gimnaziiasynda da IT synyp ashyldy. Jalpy «Tsifrlyq Qazaqstan» memlekettik baǵdarlamasyn oryndaý maqsatynda 2018 jyly aýdan mektepterine 50 million teńgeden asa qarjyǵa 358 kompiýter, 105 million teńgeden asa qarjyǵa 212 mýltimediialyq jabdyqtar alynǵan.
Aita keteiik, Maqtaaral aýdanynda «Tsifrlyq Qazaqstan» memlekettik baǵdarlamasyn iske asyrý úshin aýdan ákimimen jumys jospary bekitilip, ondaǵan jobalar iske aspaqshy.
«Smart Maktaaral» dep atalatyn joba negizinde aýdandaǵy bazarlar men saýda núkteleriniń, qyzmet kórsetý oryndarynyń jumysyn avtomattandyrý, bilim berý uiymdarynda IT synyptaryn ashý, aýdan boiynsha tegin Wi-Fi jelilerin qurý, kommýnaldyq tólemderdi terminaldar men smartfon arqyly onlain tóleý, elektrondy aqsha ainalymyna jaǵdai týǵyzý, aýdannyń mańyzdy joldarynda aqyldy jaryqtandyrý júielerin ornatý, beinebaqylaý júielerin damytý, aýyl sharýashylyǵyna arnalǵan aqyldy sýarý júielerin engizý siiaqty t.b. jobalar júzege asatyn bolady.
