Maqtaaral aýdanynda mektep janynan qosymsha ǵimarattar salynýda
Biylǵy oqý jylynyń qarsańynda №117 negizgi orta mektebiniń 200 oryndy, Nurlybaev atyndaǵy №111 jalpy orta mektebiniń 200 oryndy, A.Ferdaýsi atyndaǵy jalpy orta mektebiniń 600 oryndy, N.Bekejanov atyndaǵy jalpy orta mektebiniń 200 oryndy ǵimarattary salynyp, iske qosyldy.
Al jeltoqsan aiynda Qajymuqan atyndaǵy jalpy orta mektebiniń 600 oryndy jańa ǵimaraty paidalanýǵa berilmek.
Sonymen qatar, A.Qalybekov aýyldyq okrýginiń Atamura aýylynda 300 oqýshyǵa arnalǵan, Jambyl aýyldyq okrýginiń Keńesshil aýylynda 300 oryndy ǵimarattardyń qurylysy júrgizilýde.
Búginde bilim sapasynyń basty kórsetkishi UBT-y ekeni jasyryn emes. Bul oraida jańadan qurylǵan Maqtaaral aýdanynda jetistikteri jeterlik.
Biyl aýdan boiynsha 1603 oqýshy 11-synypty bitirdi. Ulttyq biryńǵai testileýge qatysýǵa 51 mektepten 999 oqýshy (62,3%) ótinish bergen. 145 oqýshy (14,5%) 100 jáne odan kóp ball jinady (2017 jyly 72 oqýshy (7,9 %) bolǵan edi). Eń joǵary kórsetkish – 134 baldy Abylai han atyndaǵy jalpy orta mektebiniń oqýshysy Aldiiar Talbidinov jinady.
«Altyn belgi» boiynsha 56 mektepten 96 oqýshy bilimderin dáleldedi. 58 oqýshy úzdik attestat ielendi.
Dalanews.kz
