Maqtaaral 90 jyldyq mereitoiyn toilaýda
Aýdandaǵy etnomádeni ortalyqtarynan quralǵan komandalar kishi fýtbol, voleibol, arqan tartys, ústel tennisi, armrestlingten jarysýda.
Spartakiadanyń ashylý saltanatyna qatysqan aýdan ákiminiń orynbasary Altyn Eshanqulova aýdannyń 90 jyldyq mereitoiy qarsańynda 90 túrli is-sharalar ótip jatqanyn atap ótti. Sonyń biri – búgingi spartakiada.
«Qurmetti jarysqa qatysýshylar! Maqtaaraldyń tarihy da, keshegi erlik kúresi de, adamdarynyń qaitpas qaisarlyǵy men muqalmas jigeri de barlyǵy bizdiń esimizde. Sizder eńbegimen tanymal bolǵan qurysh qoldy aptal azamattardyń urpaǵysyzdar.
Búgingi is-sharany ótkizýdegi maqsat – jastardyń arasynda buqaralyq sportty nasihattai otyryp, deni saý, rýhy myqty, jahandyq básekelestikke tótep bere alatyn jas urpaqty tárbieleý. Bolashaqta kieli Maqtaaral aýdanynyń mereiin asqaqtatatyn Sizdersizder! Sondyqtan, búgingi jarysta belsene oiyn kórsetýlerińizdi suraimyn» - dedi Altyn Kúntýqyzy.
Jiynda sóz alǵan aýdandyq «Jastar resýrstyq ortalyǵy» KMM-niń basshysy Sýnnat Kenjebaev spartakiadaǵa qatysýshylarǵa sáttilip tilei otyryp, jarystyń erejelerin túsindirip ótti. Sondai-aq, spartakiadanyń tóreshilerin tanystyryp, jarystyń ádil ótýi úshin tártip bolýy kerektigin aitty.
Aita keteiik, spartakiadaǵa aýdanǵa qarasty 2 kent pen 9 aýyldyq okrýgtegi etnomádeni ortalyqtarynan onnan asa komandalar qatysýda. Jarystyń nátijesi týraly aldaǵy ýaqytta habarlaimyz.
