Shyǵys Qazaqstan oblysynyń 10-11 synypta oqıyn 120-dan astam oqýshysy IT-hakatonǵa qatysady. Balalarǵa arnalǵan zıatkerlik saıysty matematıka pániniń muǵalimi Birjan Áýezov uıymdastyrdy. Bıyl ol «2022 jyldyń úzdik pedagogi» qurmetti ataǵyn jeńip aldy, – dep habarlaıdy Dalanews.kz.

– Bul oqýshylarymnyń kómegimen uıymdastyrylyp otyrǵan ekinshi hakaton. Alǵashqysy 2022 jyldyń mamyr aıynda ótti. Maqsatym – balalardy IT salasyna tartý boldy. Endi balalar mektepten bastap baǵdarlamalaý tilderin úırene alady. Birinshi hakatonǵa 50-ge jýyq bala qatysqan bolatyn. Qazir IT bilim boıynsha básekege túskisi keletinder sany úsh esege jýyq artty. Hakaton uıymdastyrý týraly stýdent kezimnen oılaıtynmyn. Biraq ony bıyl ǵana júzege asyrdym, – deıdi pedagog.

Ustaz quramyna 7-11 synyp oqýshylary kiretin IT-club ashqan. Oqýdan bos ýaqytynda olar muǵalimimen birge aýyl mektepterindegi balalarǵa matematıka, baǵdarlamalaý jáne aǵylshyn tilin úıretedi. Joba ashylǵaly bir jarym jyldan astam ýaqyt ishinde komanda 3 000-nan astam balany onlaın jáne oflaın formatta oqytty.

Buǵan deıin Oqý-aǵartý mınıstri Ashat Aımaǵambetov Astanada «Úzdik pedagog» qurmetti ataǵy ıegerleriniń esimderin saltanatty túrde jarıalaǵan bolatyn. 64 jeńimpazǵa 3 mln teńgeniń aqshalaı sertıfıkattary men tósbelgiler tabys etildi. Jeńimpazdardyń biri – Birjan Áýezov.