– بۇل وقۋشىلارىمنىڭ كٶمەگٸمەن ۇيىمداستىرىلىپ وتىرعان ەكٸنشٸ حاكاتون. العاشقىسى 2022 جىلدىڭ مامىر ايىندا ٶتتٸ. ماقساتىم – بالالاردى IT سالاسىنا تارتۋ بولدى. ەندٸ بالالار مەكتەپتەن باستاپ باعدارلامالاۋ تٸلدەرٸن ٷيرەنە الادى. بٸرٸنشٸ حاكاتونعا 50-گە جۋىق بالا قاتىسقان بولاتىن. قازٸر IT بٸلٸم بويىنشا بەسەكەگە تٷسكٸسٸ كەلەتٸندەر سانى ٷش ەسەگە جۋىق ارتتى. حاكاتون ۇيىمداستىرۋ تۋرالى ستۋدەنت كەزٸمنەن ويلايتىنمىن. بٸراق ونى بيىل عانا جٷزەگە اسىردىم, – دەيدٸ پەداگوگ.
ۇستاز قۇرامىنا 7-11 سىنىپ وقۋشىلارى كٸرەتٸن IT-club اشقان. وقۋدان بوس ۋاقىتىندا ولار مۇعالٸمٸمەن بٸرگە اۋىل مەكتەپتەرٸندەگٸ بالالارعا ماتەماتيكا, باعدارلامالاۋ جەنە اعىلشىن تٸلٸن ٷيرەتەدٸ. جوبا اشىلعالى بٸر جارىم جىلدان استام ۋاقىت ٸشٸندە كوماندا 3 000-نان استام بالانى ونلاين جەنە وفلاين فورماتتا وقىتتى.
بۇعان دەيٸن وقۋ-اعارتۋ مينيسترٸ اسحات ايماعامبەتوۆ استانادا «ٷزدٸك پەداگوگ» قۇرمەتتٸ اتاعى يەگەرلەرٸنٸڭ ەسٸمدەرٸن سالتاناتتى تٷردە جارييالاعان بولاتىن. 64 جەڭٸمپازعا 3 ملن تەڭگەنٸڭ اقشالاي سەرتيفيكاتتارى مەن تٶسبەلگٸلەر تابىس ەتٸلدٸ. جەڭٸمپازداردىڭ بٸرٸ – بٸرجان ەۋەزوۆ.
