Maqpal Isabekova áleýmettik jelidegi paraqshasyn satyp, aqshany Qytaida ota jasatýǵa muqtaj qyzǵa berdi
Isabekova áleýmettik jelidegi jeke akkaýyntyn satý týraly oiyn birneshe kún buryn aitqan. Ánshiniń aitýynsha, oǵan bul oi jazylýshylardyń sany bir millionǵa jetken kezde kelgen.
– Eń qarapaiym kúnniń eń qarapaiym keshi bolatyn. Bul kúnniń basty jańalyǵy meniń Instagram jelisindegi jazylýshylarymnyń sany 1 millionǵa jetýi. Men bylai oiladym: árine qyzyqty, million, ózimniń million jinaǵan áriptesterimniń qataryna qosyldym... Sonymen? Ary qarai? Mańyzy qanshalyqty? (Kez kelgen zattyń máni bolýy tiis, men barlyq jerden osyny izdep júremin) Sol kezde men oiladym... Men ózime kei kezderi qasiret alyp kelgen, al kóp jaǵdaida qýanysh alyp kelgen, iaǵni sizderdiń jyly lebizderińizge bólegen osy Instagram bireýge paida alyp kelýi tiis. Bul oi joq jerden shyqty, – dep jazdy ol.
Ol ózine jazylýshylardan aram oiǵa ketpei, jaqsy pikirde bolýyn surady. Sonymen qatar, ol satylymǵa qoiylǵannan keiin 10 saǵattan soń onyń akkaýyntyn satyp alýshy tabylǵanyn habarlady.
Ánshi bir jarym million teńgeni Ásel esimde qyzǵa beredi. Qyz qazirgi ýaqytta Qytaida, ota jasatatyn kúndi kútip jatyr eken. "Barlyǵy jaqsy bolady, oǵan senemin, In Sha Allah. Asel, tezirek jazylyńyz, jaqyndaryńyz ben týystaryńyzǵa oralyńyz. Instagram jelisindegi paraqshamdy Astanadan bir qyz satyp aldy", - dedi Isabekova.
Aita keteiik, ánshi jańa akkaýnt ashyp úlgerdi, ol jańa jyldan keiin jańa jazbalar salyp turatynyn aitty.
