ماقپال يسابەكوۆا ەلەۋمەتتٸك جەلٸدەگٸ پاراقشاسىن ساتىپ, اقشانى قىتايدا وتا جاساتۋعا مۇقتاج قىزعا بەردٸ
يسابەكوۆا ەلەۋمەتتٸك جەلٸدەگٸ جەكە اككاۋىنتىن ساتۋ تۋرالى ويىن بٸرنەشە كٷن بۇرىن ايتقان. ەنشٸنٸڭ ايتۋىنشا, وعان بۇل وي جازىلۋشىلاردىڭ سانى بٸر ميلليونعا جەتكەن كەزدە كەلگەن.
– ەڭ قاراپايىم كٷننٸڭ ەڭ قاراپايىم كەشٸ بولاتىن. بۇل كٷننٸڭ باستى جاڭالىعى مەنٸڭ ينستاگرام جەلٸسٸندەگٸ جازىلۋشىلارىمنىڭ سانى 1 ميلليونعا جەتۋٸ. مەن بىلاي ويلادىم: ەرينە قىزىقتى, ميلليون, ٶزٸمنٸڭ ميلليون جيناعان ەرٸپتەستەرٸمنٸڭ قاتارىنا قوسىلدىم... سونىمەن? ارى قاراي? ماڭىزى قانشالىقتى? (كەز كەلگەن زاتتىڭ مەنٸ بولۋى تيٸس, مەن بارلىق جەردەن وسىنى ٸزدەپ جٷرەمٸن) سول كەزدە مەن ويلادىم... مەن ٶزٸمە كەي كەزدەرٸ قاسٸرەت الىپ كەلگەن, ال كٶپ جاعدايدا قۋانىش الىپ كەلگەن, ياعني سٸزدەردٸڭ جىلى لەبٸزدەرٸڭٸزگە بٶلەگەن وسى ينستاگرام بٸرەۋگە پايدا الىپ كەلۋٸ تيٸس. بۇل وي جوق جەردەن شىقتى, – دەپ جازدى ول.
ول ٶزٸنە جازىلۋشىلاردان ارام ويعا كەتپەي, جاقسى پٸكٸردە بولۋىن سۇرادى. سونىمەن قاتار, ول ساتىلىمعا قويىلعاننان كەيٸن 10 ساعاتتان سوڭ ونىڭ اككاۋىنتىن ساتىپ الۋشى تابىلعانىن حابارلادى.
ەنشٸ بٸر جارىم ميلليون تەڭگەنٸ ەسەل ەسٸمدە قىزعا بەرەدٸ. قىز قازٸرگٸ ۋاقىتتا قىتايدا, وتا جاساتاتىن كٷندٸ كٷتٸپ جاتىر ەكەن. "بارلىعى جاقسى بولادى, وعان سەنەمٸن, ين شا اللاح. اسەل, تەزٸرەك جازىلىڭىز, جاقىندارىڭىز بەن تۋىستارىڭىزعا ورالىڭىز. Instagram جەلٸسٸندەگٸ پاراقشامدى استانادان بٸر قىز ساتىپ الدى", - دەدٸ يسابەكوۆا.
ايتا كەتەيٸك, ەنشٸ جاڭا اككاۋنت اشىپ ٷلگەردٸ, ول جاڭا جىلدان كەيٸن جاڭا جازبالار سالىپ تۇراتىنىن ايتتى.
