Mańǵystaý oblysynyń mamandandyrylǵan aýdanaralyq ákimshilik soty áleýetti jetkizýshiniń talap-aryzyn qanaǵattandyryp, memlekettik satyp alý konkýrsynyń qorytyndysyn zańsyz dep tanydy, dep habarlaidy dalanews.kz.
Sottyń málimetinshe, is memlekettik satyp alý konkýrsynyń nátijesin daýlaý týraly talap-aryz negizinde qaralǵan. Sot talqylaýy barysynda tenderdi uiymdastyrýshy men tapsyrys berýshi tarapynan memlekettik satyp alý zańnamasynyń talaptary buzylǵany anyqtalǵan.
Atap aitqanda, talapkerdiń konkýrsqa qatysýǵa bergen ótinimi negizsiz sebeptermen qabyldanbaǵan. Sonymen qatar anyqtalǵan zańbuzýshylyqtarǵa bailanysty «Q» AQ bas direktorynyń atyna jeke uiǵarym shyǵarylǵan.
Sot sheshimi uzaq ýaqyt oryndalmaǵandyqtan, sot protsessýaldyq májbúrleý sharalaryn qoldanyp, «Q» AQ bas direktoryna árbir oryndalmaǵan sot aktisi úshin 50 ailyq eseptik kórsetkish kóleminde aqshalai óndirip alý sharasyn qoldanǵan. Osydan keiin ǵana jeke uiǵarym oryndalyp, sotqa tiisti jaýap joldanǵan.
Alaida sottyń negizgi sheshimi áli kúnge deiin oryndalmaǵan.
Sot eger sheshim belgilengen merzimde oryndalmasa, jaýapkerge qatysty qaitadan protsessýaldyq májbúrleý sharalary qoldanylýy múmkin ekenin atap ótti.
Sot aktisi zańdy kúshine endi.
