Túrkistan oblysynyń ákimi Ó.Shókeevtiń atsalysýymen «Qazaqstan temir joly» ulttyq kompaniiasy» AQ kelisim jasalyp, logistika máselesi sheshildi. Atalǵan sharaǵa Arys qalasynyń ákimi G.Qurmanbekovanyń uiymdastyrýymen arystyq sharýalar men belsendi azamattar kómek qolyn sozdy.
Shópti jinaýǵa jáne artýǵa qalanyń eriktileri, belsendi azamattary kómek kórsetken. Atap aitqanda, Arys qalasyna qarasty Qostúiin tuiyǵynan (týpik) Mańǵystaý oblysyna 3 myń baý, iaǵni, 3 vagon shóp jiberilip, tiisti mal azyǵy Mańǵystaý oblysynyń Jańaózen qalasynyń Qyzylsai aýyldyq okrýgine, Qaraqiia aýdanynyń Senek, Bostan, Qulandy aýyldyq okrýgterine qarasty sharýashylyqtarǵa jetkizilip, úlestirilip berildi.
Asarǵa asyqqan arystyqtardy Mańǵystaý oblysynyń orynbasary Ǵalymjan Muqyruly qabyldap, alǵysyn bildirip, qurmet kórsetti.
Batystyq sharýalar óz kezeginde Arys qalasy ákimdigi men sharýalarǵa, belsendi azamattarǵa arnaiy alǵys joldady.
Tiisti sharaǵa belsene qatysqan Arys qalasy, Qojatoǵai aýyldyq okrýgine qarasty Syrdariia aýylynyń turǵyndary Shpekov Ámir Quralbaiulyna, Zúlfiia Nusqabekqyzyna, Shynybekov Túgelge, qala turǵyny Erzat Ergentaiuly, Qolǵabys qorynyń tóraǵasy Syrlybek Musabekov bastaǵan barsha azamattarǵa el alǵysy erek. Igi sharalar jalǵasyn tabatyn bolady.
