تۇركىستان وبلىسىنىڭ اكىمى ءو.شوكەيەۆتىڭ اتسالىسۋىمەن «قازاقستان تەمىر جولى» ۇلتتىق كومپانياسى» اق كەلىسىم جاسالىپ، لوگيستيكا ماسەلەسى شەشىلدى. اتالعان شاراعا ارىس قالاسىنىڭ اكىمى گ.قۇرمانبەكوۆانىڭ ۇيىمداستىرۋىمەن ارىستىق شارۋالار مەن بەلسەندى ازاماتتار كومەك قولىن سوزدى.
ءشوپتى جيناۋعا جانە ارتۋعا قالانىڭ ەرىكتىلەرى، بەلسەندى ازاماتتارى كومەك كورسەتكەن. اتاپ ايتقاندا، ارىس قالاسىنا قاراستى ءقوستۇيىن تۇيىعىنان (تۋپيك) ماڭعىستاۋ وبلىسىنا 3 مىڭ باۋ، ياعني، 3 ۆاگون ءشوپ جىبەرىلىپ، ءتيىستى مال ازىعى ماڭعىستاۋ وبلىسىنىڭ جاڭاوزەن قالاسىنىڭ قىزىلساي اۋىلدىق وكرۋگىنە، قاراقيا اۋدانىنىڭ سەنەك، بوستان، قۇلاندى اۋىلدىق وكرۋگتەرىنە قاراستى شارۋاشىلىقتارعا جەتكىزىلىپ، ۇلەستىرىلىپ بەرىلدى.
اسارعا اسىققان ارىستىقتاردى ماڭعىستاۋ وبلىسىنىڭ ورىنباسارى عالىمجان مۇقىر ۇلى قابىلداپ، العىسىن ءبىلدىرىپ، قۇرمەت كورسەتتى.
باتىستىق شارۋالار ءوز كەزەگىندە ارىس قالاسى اكىمدىگى مەن شارۋالارعا، بەلسەندى ازاماتتارعا ارنايى العىس جولدادى.
ءتيىستى شاراعا بەلسەنە قاتىسقان ارىس قالاسى، قوجاتوعاي اۋىلدىق وكرۋگىنە قاراستى سىرداريا اۋىلىنىڭ تۇرعىندارى شپەكوۆ ءامىر قۇرالبايۇلىنا، ءزۇلفيا نۇسقابەكقىزىنا، شىنىبەكوۆ تۇگەلگە، قالا تۇرعىنى ەرزات ەرگەنتاي ۇلى، قولعابىس قورىنىڭ ءتوراعاسى سىرلىبەك مۇسابەكوۆ باستاعان بارشا ازاماتتارعا ەل العىسى ەرەك. يگى شارالار جالعاسىن تاباتىن بولادى.
