Mańǵystaýlyq ustaz shákirtterin qolónerge baýlyp júr
Aibolat Babanazarov aǵashtan buiym jasaýmen bala kezinen ainalysyp bastaǵan. Ol 2002 jyldan beri aýyl turǵyndarynyń tapsyrysymen úi jiǵazdaryn jasaýǵa den qoiypty.
– 2015 jyly mektepke tehnologiia pániniń muǵalimi retinde jumysqa ornalasqannan keiin aǵashtan túrli qolóner buiymdaryn jasaýdy qolǵa aldym. Qazirgi tańda ónerdiń osy túrine shákirtterimdi de úiretip júrmin, – dedi Aibolat Babanazarov.
Mektep direktorynyń oqý isi jónindegi orynbasary Alma Muhanovanyń aitýynsha, Aibolat «Rýhani jańǵyrý» baǵdarlamasy aiasynda uiymdastyrylǵan «Mereili otbasy», «Úlgili pedagog» saiystaryna oqýshylar aparyp, júldeli oryndarǵa ie bolǵan.
– Aibolat óziniń qolynan keletin ónerin shákirtterine úiretýden jalyqpaityn azamat. Onyń shákirti Ersaiyn Baýyrjan iske jaramsyz bolyp qalǵan qabyrǵa saǵatyn óńdep, dombyra naqyshynda jáne plastikalyq qaldyqtardan zymyran músinin jasady. Aibolat teoriia men praktikalyq dáristerdi ushtastyra biletin tamasha muǵalim, – deidi Alma Muqanova.
