ايبولات بابانازاروۆ اعاشتان بۇيىم جاساۋمەن بالا كەزىنەن اينالىسىپ باستاعان. ول 2002 جىلدان بەرى اۋىل تۇرعىندارىنىڭ تاپسىرىسىمەن ءۇي جيعازدارىن جاساۋعا دەن قويىپتى.
– 2015 جىلى مەكتەپكە تەحنولوگيا ءپانىنىڭ ءمۇعالىمى رەتىندە جۇمىسقا ورنالاسقاننان كەيىن اعاشتان ءتۇرلى قولونەر بۇيىمدارىن جاساۋدى قولعا الدىم. قازىرگى تاڭدا ونەردىڭ وسى تۇرىنە شاكىرتتەرىمدى دە ۇيرەتىپ ءجۇرمىن، – دەدى ايبولات بابانازاروۆ.
مەكتەپ ديرەكتورىنىڭ وقۋ ءىسى جونىندەگى ورىنباسارى الما مۇحانوۆانىڭ ايتۋىنشا، ايبولات «رۋحاني جاڭعىرۋ» باعدارلاماسى اياسىندا ۇيىمداستىرىلعان «مەرەيلى وتباسى»، «ۇلگىلى پەداگوگ» سايىستارىنا وقۋشىلار اپارىپ، جۇلدەلى ورىندارعا يە بولعان.
– ايبولات ءوزىنىڭ قولىنان كەلەتىن ونەرىن شاكىرتتەرىنە ۇيرەتۋدەن جالىقپايتىن ازامات. ونىڭ شاكىرتى ەرسايىن باۋىرجان ىسكە جارامسىز بولىپ قالعان قابىرعا ساعاتىن وڭدەپ، دومبىرا ناقىشىندا جانە پلاستيكالىق قالدىقتاردان زىمىران ءمۇسىنىن جاسادى. ايبولات تەوريا مەن پراكتيكالىق دارىستەردى ۇشتاستىرا بىلەتىن تاماشا ءمۇعالىم، – دەيدى الما مۇقانوۆا.
