Mańǵystaýdyń eks-ákimi jańa qyzmetke taǵaıyndaldy, dep habarlaıdy Dalanews.kz.
Alık Aıdarbaev "Kalamkas-Khazar Operating" JSHS bas dırektory bolyp taǵaıyndaldy.
Bul aqparatty "QazMunaıGaz" ulttyq kompanıasy resmı túrde rastady.
Alık Serikuly Aıdarbaev 1963 jyly 19 mamyrda Almaty oblysynyń Aleksandrovka aýylynda dúnıege kelgen. Ol eńbek jolyn 1985 jyly "Jetibaımunaı" kásipornynda bastaǵan. Sol jerde operator, tehnolog jáne munaı-gaz óndirý sheberi qyzmetterin atqarǵan.
Keıingi jyldary ol birqatar iri munaı-gaz kompanıalarynda jaýapty laýazymdarda jumys istedi. Atap aıtqanda: "Ońtústikqazmunaıgaz" MAQ, "Qumkól-LÝKOIL", "Mańǵystaýmunaıgaz" AQ jáne "QazMunaıGaz" UK" AQ.
2011 jyldyń jeltoqsanynan 2013 jylǵa deıin ol "QazMunaıGaz" ulttyq kompanıasynyń bas dırektory qyzmetin atqardy.
2013 jyly Alık Aıdarbaev Mańǵystaý oblysynyń ákimi bolyp taǵaıyndaldy. Keıin 2017 jyly — ınvestısıalar jáne damý jónindegi birinshi vıse-mınıstr, al 2018 jyly — "Samuryq-Qazyna" ulttyq ál-aýqat qorynyń basqarma tóraǵasynyń orynbasary qyzmetterin atqardy.
