Mańǵystaý oblysynda "Ústirt" shekara bólimshesiniń 26 jastaǵy bastyǵy qyzmetine salǵyrt qaraǵany úshin 2 jylǵa bas bostandyǵynan aiyryldy. Onyń áreketsizdigi saldarynan merzimdi áskeri qyzmetshi qaza tapqan, dep habarlaidy Dalanews.kz.
Qaiǵyly oqiǵa 2025 jyldyń qazan aiynda bolǵan. Erkebulan Saǵyndyqovqa dizel generatorynyń radiatoryn jýý úshin benzin ákelý tapsyrylǵan. Sarbaz qoima aýmaǵyndaǵy tsisternaǵa kóterilip, rezervýardyń qaqpaǵyn ashyp, kanistrge janarmai quia bastaǵan.
Sol sátte ol ashyq tsisternaǵa eńkeiip, benzin býlaryn jutyp qoiǵan. Sonyń saldarynan esinen tanyp, shamamen 20 minýt boiy tsisterna ústinde qozǵalyssyz jatqan.
Ony basqa sarbazdar baiqap, alǵashqy kómek kórsetýge tyrysqanymen, sarbazdyń ómirin saqtap qalý múmkin bolmaǵan.
Atalǵan is QR Qylmystyq kodeksiniń 453-baby 2-bóligi "qyzmetke salǵyrt qaraý, aýyr saldarǵa ákep soǵý" deregi boiynsha tergeldi. Isti Aqtóbe garnizonynyń áskeri soty qarady.
Sottalýshy óz kinásin tolyq moiyndady. Sonymen qatar, sot ony marqumnyń anasyna moraldyq ziian retinde 10 million teńge ótemaqy tóleýge mindettedi.
Úkim áli zańdy kúshine engen joq.
