Mańǵystaý óńiriniń ózekti máseleleriniń biri – halyqty jumyspen qamtý. Búginde aimaq boiynsha jumyssyzdyq deńgeii – 4,9% quraidy. Jyl basynan beri 11 557 jumys orny quryldy, onyń 6 741 turaqty.
Qalǵan jumys oryndary shaǵyn jáne orta kásipkerlik sýbektileriniń esebinen quryldy.
Kásipkerlikti damytý jónindegi Ulttyq jobasy aiasynda 10 myńnan astam adam ártúrli jumyspen qamtýdyń belsendi sharalarymen qamtylyp, onyń ishinde 5 myńnan astam adam jumysqa ornalastyryldy.
Sondai-aq, 2021 jyly «Jumys jasaimyn» óńirlik jobasy bastaldy. Biyl jergilikti biýdjetten 955,5 mln teńge bólinip, 646 turǵyn turaqty jumys oryndaryna ornalastyryldy.
Sonymen qatar, Memleket basshysynyń tapsyrmasyna sáikes osy jyly «Alǵashqy jumys orny» jobasy jáne Jastar tájiribesiniń qatysý ýaqyty 12 aiǵa, jalaqy mólsheri 30 AEK deiin ulǵaityldy.
Buǵan qosa, 29 jasqa deiingi jastar men áleýmettik osal toptaǵy azamattardyń biznes-ideialaryn iske asyrýǵa arnalǵan qaitarymsyz granttardyń kólemi 200 ailyq eseptik kórsetkishten 400 AEK deiin kóbeitildi.
Mańǵystaý oblysynyń jumyssyz turǵyndaryn jumysqa ornalastyrý maqsatynda qalalar men aýdandardyń jumyspen qamtý ortalyqtary Reseidiń «Tatneft» kompaniiasymen birlesip 1-3 maýsymda Aqtaý jáne Jańaózen qalalarynda áńgimelesý uiymdastyrdy. Suhbatqa 531 adam qatysty, búgingi tańda 190 turǵyn boiynsha oń sheshim qabyldandy.
Olardy kezeń-kezeńimen jumysqa ornalastyrý úshin tiisti sharalar qabyldanatyn bolady. Jalpy, kompaniia Tatarstan Respýblikasynda, Resei Federatsiiasynda jumys isteý úshin 600-den astam adamdy qabyldaýdy josparlap otyr.
