Mańǵystaýda jartasqa jazý jazyp ketkender izdestirilip jatyr, - dep habarlaidy Dalanews.kz.
Graffiti beinelengen video YouTube arnalardyń birinde jariialanǵan. Kadrlardan jartasta úlken áriptermen "Úshtaǵan" dep jazylǵanyn baiqaýǵa bolady. Alaida bul graffiti naqty qai jerde jáne qashan jasalǵany naqty kórsetilmegen.
Videoǵa Mańǵystaý oblysy Politsiia departamentiniń baspasóz qyzmeti ókili pikir bildirdi. Bul aýmaqqa qoqys ta tastalǵany belgili boldy. Politsiia bul jartastyń ornalasqan jerin naqtylamady.
"Bul derek boiynsha jartastaǵy jazýǵa jáne qoqys tastaýǵa qatysy bar adamdardy anyqtaýǵa baǵyttalǵan is-sharalar júrgizilip jatyr. Olarǵa qoldanystaǵy zańnamaǵa sáikes ákimshilik hattama toltyrylady", - dedi politsiia.
