ماڭعىستاۋدا جارتاسقا جازۋ جازىپ كەتكەندەر ىزدەستىرىلىپ جاتىر، - دەپ حابارلايدى Dalanews.kz.
گراففيتي بەينەلەنگەن ۆيدەو YouTube ارنالاردىڭ بىرىندە جاريالانعان. كادرلاردان جارتاستا ۇلكەن ارىپتەرمەن "ءۇشتاعان" دەپ جازىلعانىن بايقاۋعا بولادى. الايدا بۇل گراففيتي ناقتى قاي جەردە جانە قاشان جاسالعانى ناقتى كورسەتىلمەگەن.
ۆيدەوعا ماڭعىستاۋ وبلىسى پوليسيا دەپارتامەنتىنىڭ باسپا ءسوز قىزمەتى وكىلى پىكىر ءبىلدىردى. بۇل اۋماققا قوقىس تا تاستالعانى بەلگىلى بولدى. پوليسيا بۇل جارتاستىڭ ورنالاسقان جەرىن ناقتىلامادى.
"بۇل دەرەك بويىنشا جارتاستاعى جازۋعا جانە قوقىس تاستاۋعا قاتىسى بار ادامداردى انىقتاۋعا باعىتتالعان ءىس-شارالار جۇرگىزىلىپ جاتىر. ولارعا قولدانىستاعى زاڭناماعا سايكەس اكىمشىلىك حاتتاما تولتىرىلادى"، - دەدى پوليسيا.
