Onyń aıtýynsha stýdentterdiń jataqhanaǵa degen suranysyna sáıkes aldaǵy tórt jylda 4 jataqhananyń qurylysyn júzege asyrý josparlanǵan.
– Mańǵystaý oblysynyń 2025 jylǵa deıingi «Jastar – Otanǵa!» baǵdarlamasy aıasynda 4 jataqhananyń qurylysyn salý josparda. Onyń ishinde 2023 jyly Aqtaý qalasynan – 1, 2022-2023 jyl aralyǵynda Túpqaraǵannan – 1, 2023 jyly Qaraqıa aýdanynan – 1 jáne 2025 jyly Mańǵystaý aýdanynan – 1 jataqhana salynady. Naqty toqtalsaq jastar qanaty óńirdegi 7 – stýdenttik jataqhanaǵa turaqty túrde monıtorıń júmysyn júrgizip keledi. Oǵan oblys, qala, aýdan boıynsha saılanǵan máslıhat depýtattary, jastar qanatynyń belsendi jastary qatysady. Anyqtalǵan kemshilikter boıynsha analıtıkalyq anyqtama daıyndalyp, oqý oryndaryna jibereledi. Búginde oblys boıynsha jastar qanatynyń quramynda – 2609 jas bar. Basym kópshiligi óńirdegi arnaýly jáne joǵarǵy oqý oryndarynyń stýdentteri, qala men aýdanaǵy jastar qanatynyń belsendi jastary, – dedi Naýryzbek Maǵdatov.
Sonymen qatar baspasóz ortalyǵynda ótken brıfıńke MO İshki saıasat basqarmasynyń jastarmen jumys bóliminiń bas mamany Erbolat Súleımenov qatysty. Aıtýynsha «Eńbek» memlekettik baǵdarlamasy aıasynda «Bastaý bıznes» jobasy boıynsha 117 adam oqytylyp, óz isin bastaýǵa 57 jas grant jáne 14 turǵyn shaǵyn nesıe aldy.
– Jumyspen qamtý jáne jappaı kásipkerlikti damytýdyń 2017-2021 jj. arnalǵan» baǵdarlamasy aıasynda 3829 jas jumysqa ornalastyryldy. Jalpy óńirde memlekettik jastar saıasatyn iske asyrý baǵytynda jastar ortalyqtarymen jáne jastar uıymdarymen 200-ge jýyq shara uıymdastyrylyp, 2000-ǵa jýyq jas qamtyldy. Sharalar «Bolashaqqa senimmen», «Keńes alańy», «Jastar Books», «Kásibı baǵdar», erkin formattaǵy jastarmen kezdesý «Lektorıým» jobalary aıasynda júzege asyrylýda. Jobalardyń basym baǵyty NEET sanatyndaǵy jastarǵa baǵyttalǵan. Sonymen qatar, «JASTAR ONLINE» mektebi jobasy iske qosyldy. Atalǵan onlaın mektep aıasynda jastar mobılografıa, saıt jasaý, ónim satý, áleýmettik jeliniń qyr-syry taqyryptary boıynsha 100 mańǵystaýlyq jas tegin dáris aldy, – dedi Erbolat Súleımenov.
